Jump to content
All About Hong Kong

leotse

Members
  • Content count

    252
  • Joined

  • Last visited

Community Reputation

0 Neutral

About leotse

  • Rank
    Advanced Member
  1. 說到倫敦很有名的餐廳,Burger & Lobster肯定榜上有名,不過它在脫歐後價錢升得不可思議,所以完全不划算。除了Burger & Lobster外,Big Easy都是同類的餐廳,價錢亦比較低,自然是要轉場囉。 Big Easy有每日的不同優惠,這個是當天的無限量Bar.B.Q肉,如果想吃優惠龍蝦,星期四是龍蝦跟牛扒餐,這還真夠罪惡感… 想吃龍蝦但不需要牛扒的,不一定要星期四來,因為它也有普通的龍蝦餐。 Big Easy比Burger & Lobster好的地方,絕對是這裡的餐是包括飲品,像Burger & Lobster原價已經貴幾鎊,叫一杯飲品又幾鎊,這就差十幾鎊可以在這裡吃半個餐了。朋友選了這裡的沙冰Cocktail,而我就貪多選啤酒,這自家品牌啤酒有2Pint,即是超過1公升﹗汽水我也沒一晚喝1公升耶﹗ 要說Big Easy比較差的地方,可能是賣相吧?那有人將兩邊龍蝦分開擺的…正常人也不會亂擺一通吧?撇除賣相不談,Big Easy跟Burger & Lobster的Pounder龍蝦,好像Burger & Lobster稍大一點,或者是我剛好遇到大隻的吧。不過這裡的龍蝦因為有加上細蔥調味油,比Burger & Lobster的蒸或燒龍蝦都來得惹味,而且還有粗身薯條吃,完勝﹗ 然後是星期一優惠無限肉祭unlimited meat works,同樣地賣相真的很抱歉,Brown Sauce的深啡色加上大量肉的關係,視覺上毫無觀賞性可言。材料有北卡羅萊納豬肉、燻燒雞肉、聖路易斯豬肋骨、燻焗豆、粟米鬆餅,未食已飽還能夠無限添食,難怪外國人都這麼肥了。 至於好不好吃?我覺得燻雞是最好吃的,除了有煙燻香外,雞肉沒有被Brown Sauce淹沒,所以味道最純粹。當然豬肋骨等等都不錯,但大量醬汁有點分不清是醬好吃還是肉好吃了。鬆餅就有點抱歉,根本不鬆又乾身,雖然這東西我沒有預期過會好吃,不過一直吃肉會很膩,吃一口鬆餅稍稍能去掉油膩感也還好,不過始終是澱粉質很容易飽。 所以到最後我有沒有無限肉祭?這個半份跟半邊龍蝦再一公升啤酒食完都不能動了還能追加嗎? 在這裡飲不飽也食醉你,廿幾鎊就有交易,連龍蝦也吃得到,實在划算,忽然覺得Burger & Lobster價錢好貴啊… Source
  2. 哈利波特的作者J.K. 羅琳無人不識,而在愛丁堡有一家咖啡館,門面寫著是哈利波特誕生地,那就當然要去感受大作家留下的氣息囉。 既然大作家到訪過,沒有甚麼比這生招牌更好吸引客人了,只是這生招牌做得也太精緻。XD 另外這裡還有賣自家的T恤,只是這個大象不太顯眼著出去大概也沒有意識到是餐廳的T恤。 裡面的裝修就挺乾淨,可能有翻新過吧,太新穎感覺不到有魔法氣息,幸好吊燈跟牆上的大鐘也有點老派感覺半夜會亂動。XD 想說喝杯給不千奴扮陳豪,可是這裡的咖啡還真貴,結果只捨得點一杯最便宜的Americano,還索價兩鎊多…我有聽說J.K. 羅琳寫哈利波特時是在領失業救濟金,就算當時物價較低,救濟金也應該會跟當時物價掛鈎,一個月應該不會來幾次吧?還是這裡因為成名了所以各種加價了?Americano我就從來沒有喝過好喝的,Espresso再加水甚麼味道都沖淡了。倒是他們用啤酒樽來放等候牌,這點真的很鬼佬。 早餐來了,當然也是挑便宜的早餐,可是合計已經超過十鎊,在愛丁堡已經可以吃到兩份All Day Breakfast了。一看炒蛋炒得很熟就扣分了,外賣的炒蛋要全熟避免食物中毒我理解,但堂食的炒蛋麻煩給我帶點蛋汁,乾身炒蛋實在不行。香腸和煙肉都不是自家製沒甚麼好談,麵包最少也給我熱一下吧…這種出品連Nicolson Street自稱全愛丁堡最便宜的All Day Breakfast也不如,最少人家夠熱也夠飽肚。 後記:後來我參加了當地一日旅行團,司機兼導遊大姐說這間The Elephant House在哈利波特面世時並未存在,在這裡寫的是第二本小說而非第一本,雖然不知真假,但最少J.K. 羅琳是真的有在這裡寫書喇。 Source
  3. 英國雖然被稱為劣食王國,只要不吃英國菜都OK,其實在愛丁堡,米芝蓮推介都幾多,這間還有午市套餐,價錢亦平民,一於試試。 舖頭地方淺窄,幾乎拉椅子就會撞到後面,不過因為我一個人,位置正好對準門口,後面一道牆完全安心不怕無情肘。 午市時間較短,自然可以選擇菜式都較少。這午餐同時也是Pre Theatre餐,勉強可以當晚餐吧。 西餐有麵包應該係慣例,店方有將多士烘熱,稍稍能將牛油融化,鬼佬整西餐的確比香港講究。 Scottish egg係街頭見得多,但一隻炸蛋要三鎊以上絕不捨得,既然米芝蓮食府的starter中有得揀,如此花三四鎊倒是較心甘情願。雖然只得半隻,但街外蘇格蘭炸蛋一不知炸了多久,二不能做溏心(易有細菌),在此即點即做,米芝蓮加持,差價是要付的。 外層為black pudding,可以譯作黑血腸,成份跟香腸類同但加了血,口感並非廚師腸般爽口,而係綿軟甚至帶黏,鬼佬好鍾意這種口感…除此之外仲有燕麥在內,其實有點像蘇格蘭另一名物haggis,味道都幾惹味。溏心蛋做得很精美,雖然蛋味較淡,其溏心蕩漾也令人春心蕩漾。加上青蘋果片和蘋果酒蛋黃醬,帶點酸甜確實醒胃。 主菜是叫Pollock的魚,正式中文名不知道,肯定的是鱈魚一種。雖然係煎魚,但感覺竟似酒樓食飯時點的蒸魚,滑溜又清甜且不帶腥。多吃兩口,帶一點芹菜味的?!原來他們將一種叫根芹菜的植物,烤完再壓碎,和薯蓉做法相當接近。整個配搭頗為清淡,但又不會覺得食而無味,很適合辛勞過後的週末,來一個小清新。 雖然食物味道和賣相俱佳,但這個午市套餐份量沒有很多,即使對女士而言似乎也不太夠,對我來說就更不用說了。 Source
  4. 雖然all day breakfast是英國名菜(?),但這種東西集大成的東西真是誰都會做,像葡萄牙就同樣有一種吃一個就超過一天熱量的菜式,甚至比英國的all day breakfast更高卡路里。 這個叫Francesinha的食物跟all day breakfast其實沒有半點關係(除了同樣高卡路里),樣子有點像法蘭西多士,葡語Francesinha翻譯出來是法國鬥牛犬,在一九六零年代於Porto誕生。來看看材料,麵包雞蛋芝士是離不開的,然後是肉、肉、還有肉,再加個醬汁和薯條,看圖都已經飽了。 既然是大製作,價錢應該會稍高吧?其實只要9.5歐左右,我覺得價錢挺合理啊。 如果說流心芝士拉絲很邪惡的話,這個Francesinha A Santiago應該是更強的Boss了。光是薯條份量就比得上麥當勞的中薯條,醬汁又鋪滿整件Francesinha,實在是看得出的罪惡感。Francesinha的醬汁各有做法,但啤酒是必須的材料,另外多數會用到蕃茄,所以這醬汁酸甜中又帶點麥芽香,挺討我歡心。 切開裡面一看,都是肉﹗看餐牌包括Salsicha fresca新鮮香腸、 Linguiça煙燻香腸、bife牛肉、mortadela意式肉腸、fiambre冷切,誇張吧﹗由於各種肉類全部重疊在一起,造就成複錯綜複雜的旅程,mortadela的爽脆、牛扒的結實、香腸的香料…令味蕾應接不暇,再加上加熱至融化的芝士,滿足度爆燈。 究竟這個Francesinha是否如想像的高熱量?我十二點吃完這個去到七點都沒有餓的感覺,你說呢? Source
  5. 茶餐廳雖然唔會係香港絕跡,不過老字號果啲就真係越嚟越少,年中都執咗唔少舖頭囉…呢間新華以前返工就間唔時食,都係其中一間出名嘅老舖喇。 舖頭門口有麵包櫃,有時仲會遇到新鮮出爐貨,唔知而家仲有幾多茶餐廳兼賣麵包呢? 入到去人頭湧湧生意好,唯獨是擔心無位坐,不過好在香港人出名能屈能伸,搭枱根本唔係問題。 餐廳歷史唔短,不過餐牌又幾乾淨。 睇清楚個餐牌仲係用緊七位數字嘅電話,logo係用舊時右到左嘅寫法。 餐牌表面無與時並進,不過價錢有。有啲款式你聽過但未食過,有啲無價錢嘅相信已經被時代淘汰無得再食。 麥兜裡面經典橋段,常餐=特餐=午餐=快餐=晚餐,其實真係改少少嘢咋。最後就揀咗特餐。 首先嘆返杯奶茶先啦,色澤就唔錯啦,入口茶味唔算太濃但唔澀口,質感亦都細滑而帶奶香,老字號啲奶茶通常都有返中上水準。 火腿奄列送到,加埋一個迷你餐包,餐包唔係自己做可忽略。奄列用嘅油都幾多,所以煎出嚟幾靚切開仲有蛋漿,火腿絲唔會凍冰冰,作為老字號呢啲基本功真係唔衰得。 沙嗲牛嘅牛肉大概五六塊,食落口有啲韌,不過咁都好最少無畀鬆肉粉乸到無咬口。沙嗲味同以前比就遜色咗,花生香唔夠濃,沙嗲汁都比較少,好在公仔麵唔會煮到爛晒,整體都叫尚可。 而家乜都加,所以佢價錢同喺度返工果陣比貴咗好正常,不過沙嗲牛嘅味道實在無以前咁濃味,可惜啊可惜。 價錢:$37 Source
  6. 為咗揀部Notebook出國,少不免要去做高登仔,坐住部神駒去到北河街落車,啱啱好喺呢間舖對出,本來我係想食雲吞麵嘅,又不過呢度有個平日限定嘅午市套餐,時間啱啱好又無謂miss咗佢吖,咁變心快過打針嘅我就入咗去食喇。 四款拉麵可以選擇,基於海老湯底喺香港較少人做,就揀佢試試。叉燒都可以揀厚切或火炙,當然火炙比較吸引。配菜可以揀蔥或椰菜,椰菜似乎唔太夾就揀返蔥。麵都係揀返硬身啱我口味。小食除咗炸雞外就唔太吸引我,再加支汽水,$78真係同茶餐廳唔會差太多。 汽水估唔到會係用玻璃樽裝,雖然容量少啲但啲汽係比罐裝多,所以我係鍾意樽裝多啲。 一個人食就通常會坐吧枱位,可以見到廚房嘅運作,因為我揀咗個煮麵位坐,有女職員問我會唔會覺得熱,幾細心唔錯。 炸雞先到,我從來無期望過跟餐嘅炸雞會係即炸,果然一食就知係預先做起,微暖同唔太脆。雖然肉汁唔多但肉厚,感覺似係來貨唔係自家做,沒有期望就沒有失望。 拉麵嚟到,估唔到舖到咁滿,仲有預計以外嘅蔥白同肉碎添。 叉燒有經過充份火炙程度,亦有一定厚度,但咬落去除咗火炙香外,叉燒嘅調味唔太明顯。由於肥膏唔多,就算火炙咗佢都唔會話好有油香,好睇但又未到好食。 湯底就相當濃郁,蝦味極重,以價錢計我好難想像佢會咁濃蝦味,但又唔會話好鹹,飲完又唔會口好乾。櫻花蝦就浸到軟晒唔脆口,可能佢地係放櫻花蝦乾去煮所以咁濃味掛?總之湯底我就好滿意。 拉麵顏色比較雪白,食落去好似唔喺硬麵質地,唔通我剔錯?除咗硬度之外個麵就無話太特別,滑係幾滑但唔夠咬口,無咩碱水味算係優點,但佢係全碗麵最大缺陷。 價錢而言呢間拉麵店算係偏中下游,湯底質素我都幾欣賞,可惜啲麵整成咁晒咗碗湯啦。 價錢:$78 Source
  7. 好多酒都可以陳年,清酒亦唔例外,陳年過嘅清酒一般叫做古酒,一聽就知有歷史。 以前曾經飲過古酒,味道就相當強,同茅台相似我完全頂唔順。不過呢支係我試飲過ok先買。 雖然試飲果支係新酒而呢支係過咗一年,聽職員講啲味就turn down咗,但因此打咗八折我又無咩所謂。 先由室溫開始飲啦,會覺得佢似穀物味多過米味,雖然唔太準確但有啲啤酒嘅感覺,不過係無氣唔凍版,咁你知無氣又唔凍嘅鬼佬涼茶一啲都唔鬼佬,真係幾涼茶,少少酸又有啲甜,唔會係新手酒品囉。 一般情況暖嘅清酒會更烈,呢支古酒暖咗後氣味的確濃郁好多,不過飲落味道反而甜味突出啲少咗份酸,同紹酒有幾份接近,個after taste有少少似朱古力添! 試埋凍飲啦不如?飲落酒味最淡係凍飲唔使講,同室溫比亦都較甜,飲開清酒嘅未必一下子就接受到古酒,用凍飲嚟入門係好啲嘅。 Source
  8. 雖然英國貴為劣食王國(啥?),但其實不缺好吃的東西,之前在SOHO區附近吃過這間Tonkotsu的豬骨拉麵,竟然比不少香港的拉麵店還要出色,是因為這邊的豬肉比香港便宜一半,煮出來的豬骨湯更足料的緣故吧?總之如果是住倫敦又想吃出色的博多拉麵,不必去連鎖的一風堂,這間Tonkotsu亦相當優秀。 比起Tonkotsu SOHO,這間Tonkotsu East地方就寬敞得多了,不用背貼背還有小花園可以戶外進餐,不過沒冷氣我又不吸煙當然是躲室內。 在室內還看到製麵機﹗在香港會有自家製麵的拉麵店也是屈指可數,沒想到在倫敦就這麼簡單被我遇上。 這裡喝的不是冰水,而是青瓜水,味道挺清新,用來消除湯底的油膩感亦不錯。 餐牌同時是墊枱紙,這裡的款式和SOHO店有少許不同,SOHO店有特製的海鮮口味是這分店沒有的。 湯麵以外,還有冷麵,不過我還是喜歡品嚐湯麵,因為拉麵湯底可不是一般家庭能夠弄得到啊。 所以我是吃豬骨拉麵嗎?Nonono,太年輕了。進門口時給我發現了這裡有Tsukemen,即是沾麵,人在英國吃一碗好的拉麵都已經難得,居然還有沾麵?﹗我問過店員這裡是唯一一間有賣沾麵的分店,當然不能放過。 看沾麵的賣相不錯耶,麵的份量不少,咬下去只有少許碱水味卻又有煙韌彈牙口感,老實說比得上香港不少人龍店。溏心蛋一看就知沒有過熟, 醬油香也夠濃。叉燒有厚度亦沒有散開,富肉香而且滷得入味,沒令我失望。 至於沾汁又如何?這方面就稍遜色,它是香港最流行的魚介豚骨系,魚介粉下得挺多所以鹹味頗強,不過會帶有炒洋蔥的香味,當然豬骨味仍然能保持。建議盡早把蔥絲放進沾汁降低鹹味會更好,因為他們不懂湯割為何物,頂多就只能吃完麵條後添熱水令你較易喝完沾汁。 在遙遠的英國,能做出出色的拉麵,讓我有回鄉的感覺已經很好,又怎會想到居然會遇上沾麵,而且質素還媲得上香港的名店,真是世界級驚喜。 Source
  9. 成日都聽到周月黨吹到周月個麵真係世界級,就算唔係世界級,全盛時期嘅周月都係世界級,咁我個人就有啲包拗頸嘅,吹到咁大反而無太大衝動去,不過我又間中會去PMQ,周月又喺樓下,不去不去還須去啦。 門外已經有餐牌可以睇到有咩沾麵同拉麵可以揀,不過定價$91真係有啲奇特,係因為加一後可以齊頭一百蚊? 雖然周月係第一次去,但姐妹店沾麵真中我係去過嘅,果邊同樣都係店內製麵,個麵又的確幾好但其他就普普通通,下場係執笠。本家嘅周月就開咗幾間分店包括修羅場老銅,不過去老銅食覺得不合期望的話,肯定會有周月黨出嚟話食中環本店先叫真正食過周月。 好啦入正題,雖然我一條冷食,但都係要等位嘅,無計佢攞米芝蓮之前已經係排隊名店,等十五分鐘我已經算快了。餐牌用刻字木板做版皮,重量感十足又有型格。雖然已經決定叫周月沾麵300濃湯凍麵,都睇睇仲有咩可以揀,除咗炸雞餃子飯類呢啲拉麵店常客,都有香港好少好少見到「油麵」,即係日本版嘅撈麵。排隊人多所以預咗出餐唔會快,不過香港人都習慣咗等,十零分鐘小事啦。 終於等到,第一時間試下咩叫世界級嘅麵,300g睇落出其多,其實係麵底有個筲箕,咁洗麵水就唔會浸住啲麵而係滴落碗底。世界級麵條呢⋯⋯結實,雖則都算彈牙但真係有啲硬身,同埋碱水味明顯。咁其實我喺劣食大國王都倫敦都食過自家製優質沾麵條仲要彈牙而無碱水味⋯可能我食嘅唔係全盛時期嘅周月啦,所以個麵唔係世界級啦,well咁我靚仔果期都有女同學話我都算係靚仔嘅⋯⋯ 溏心蛋雖然睇落好熟,不過都仲有少許溏心嘅,八成熟口感自然就結實,少許醬油味,無驚喜。 輪到沾汁,同沾麵真中係同色水,所以我都算食過半次。個沾汁就係醬油同魚介嘅組合,味道唔會太偏重醬油或魚介任何一方,可以同時飲到沙甸魚乾同醬油嘅味道,其實唔錯。而同魚介豬骨沾汁比,最大分別係呢度味道帶醋酸,應該係加咗沙甸魚醋或昆布醋,食慣魚介豬骨湯底嘅人如果無心理準備,可能第一啖就會嗆親,因為酸味都幾強。只係浮面果浸油都真係幾犀利,可以反光添。另一重點係⋯唔熱喎大佬,我連沾都未沾過喎?或者呢個係專登我唔知啦,神山都係標明佢沾汁係六十度嘅。 叉燒就幾多肥膏我鍾意,滿滿嘅油香夾雜濃郁嘅醬油味,口感亦都軟熟,可惜就數量太少。 筍乾,硬身得嚟無渣,喺醋酸強嘅湯底下都無浸到過酸,但應該會軟身啲掛?不過筍乾對我而言係最可有可無嘅配菜,無所謂啦。 最後加返啲湯割,佢地用嘅係雞湯,熱湯一兌⋯終於似返啲樣,第一啖雞湯味出先,然後慢慢醬油味會滲返,只係個湯仍然凍得好快,香味亦隨之變弱。 我唔知全盛時期嘅周月有幾世界級啦,咁周月其實係翻兜得過嘅,不過如果周月有米芝蓮,我諗日本會爆出一堆米芝蓮拉麵出嚟,麵屋一燈(日本)都無米芝蓮喎… 價錢:$100 Source
  10. 無論吃到多飽,甜品永遠都只另一個胃去安置,更何況人在外國機會難得?看到一堆鬼妹在排隊,連鬼妹都不怕肥我又怎可能畏懼呢?排﹗這家店1937年已經開業,能屹立至今,排﹗Tripadviser寫排第三的甜品店,都排﹗ 雖然他們的雪糕是現做的,人龍也不短,但排隊時間卻超短,基本上十多秒就會完成一份單。店裡可以看到他們的機器如何運作,這麼新鮮的雪糕我還是第一次吃。 雪糕可以選擇雪糕筒,杯裝或是我這種雪糕三文治,份量分大中小,我手上的是中碼,2017年是1.4歐,好便宜﹗眾所周知荷蘭的奶製品是十分有名,所以我對這雪糕有很大期望。 夾著雪糕的是威化餅,沒有額外的調味就單純是一塊不是很脆的威化餅。而雪糕的質感跟一般的很不一樣,不硬身但非軟雪糕,像忌廉但又比較挺身,口感綿滑入口即溶,這應該是鮮做雪糕才有的質感吧。加上濃厚的牛奶跟雲呢拿味,很不錯呢﹗ Source
  11. 不知是否地理上接近比利時,荷蘭亦有相當多賣薯條的舖頭,在花多眼亂中找到這間名店,上面寫著ANNO 1887,是1887成立的意思嗎? 其實我也沒有特別要找甚麼名店,只是看到這條長長的人龍,還有大家都拿著這裡的薯條吃,看旁邊的鬼佬也在探頭看過究竟,就知道一定要排隊囉。後來查一下,是1957年成立的,賣薯條賣六十年也夠厲害,Tripadviser有4.5分之高,厲害啊﹗ 要知道一間店是否多遊客光顧,餐牌一定是指標,你有見過吃薯條都吃到六種語言嗎?這家店連醬汁都區分了哪些是比利時風味,醬汁接近三十款。當然我人在荷蘭,不選荷蘭醬就真係荷蘭銀行支票。 這個叫oorlog醬的物體,係蛋黃醬、沙嗲醬同洋蔥碎的組合,蛋黃醬同沙嗲醬簡直是魚與熊掌why not both,不過兩隻醬都相當濃味,很難協調吧?Oorlog在荷蘭語入面解作戰爭,Oorlog醬的出現據說是在第一次世界大戰中同盟軍中誕生,當時盟軍士兵在軍中嘗試不同醬汁組合,結果就創造出這個醬--不過一鹹一甜的兩種醬料確實像在打架呢。 如圖所見,沙嗲醬跟蛋黃醬各佔一邊,確實像兩軍對壘,所以洋蔥應該想像成砲火嗎?薯條就無需多言,現炸的粗身薯條根本無得輸,蛋黃醬同洋蔥其實就同吃沙律菜差不多無特別,不過蛋黃醬從來都很無敵,比茄汁更強。精彩之處當然是沙嗲醬,稠身、少辣、重花生香,這味道完全是印度串燒沙嗲醬風味,而且不是隨便做就做得好食。這裡的沙嗲醬,比香港的印尼串燒店出色多了。港式的沙茶醬沙嗲,又是另一回事了。 何解荷蘭會食到如此出色的沙嗲醬?忽然想起荷蘭曾統治過印尼,一切謎底已經解開。 Source
  12. 這天從Sintra回來時候已經不早,很多餐廳都已經接近關門,慶幸這間想吃的店隊伍排得不長,還能趕到尾班車進去,一個人旅行總有些好處。 來這裡為的是海鮮飯,曾經拿過獎啊。一般海鮮飯都是兩人或以上份量,這裡有一人份,正是我過來的其一理由。 柯打過後當然要等,除了客人要等得久外,其實店員阿伯同時是廚師更要收銀,所以慢是肯定的。 天時暑熱,最好是來一支冰凍的啤酒,這支Super Bock…超淡麗,配海鮮就還好,如果是純喝我會喜歡麥香濃的。 西班牙海鮮飯是連鐵板上,這裡則是連鍋子上。西班牙海鮮飯或許有機會是在其他地方煮好再放上鐵板,但這裡肯定是煮好把鍋子都拿給你,真想知道廚房到底數藏了幾多個鍋。看鍋裡的海鮮也不少,而且不是甚麼青口魷魚,是蝦蟹啊。 先分一點在盤上,因為它好好好好熱要攤涼一點才能吃。然後吃一口…啊啊啊啊熱熱熱好吃(好好講話﹗),飯粒其實跟西班牙海鮮飯有點像,都是粒粒分明而且中間不是熟透,帶點煙韌的咬口,而且蕃茄味相當濃郁,還滲透出海鮮的鮮甜。至於海鮮好不好吃?看到那橙紅色的蟹膏還用質疑嗎?我覺得這個海鮮飯比西班牙海鮮飯更吸引我呢。 其實看到有博客推薦那個Prawn portuguese style "fried",但我一個人吃兩款又怕吃不完,只好放棄了,獨行俠的唯一煩惱啊。 Source
  13. 前排去觀塘食蛇,咁啱見到間蛇舖對面有間拉麵,作為偽日本人當然要去八下間拉麵店主打啲咩,原來係醬油拉麵系,而唔係香港最主流嘅豬骨拉麵。仲要有數量限定嘅slow cook叉燒拉麵,喺日本食過slow cook雞肉叉燒後念念不忘嘅我梗係唔會放過呢間舖啦。 門口嘅告示牌雖然有大大張拉麵相,但吸引我嘅其實係左上角唔起眼嘅真叉燒拉麵,賣slow cook叉燒嘅拉麵全香港應該一隻手數得晒。因為我嘅目標只有一個仲要限定廿份,入去前先同店員確定無賣晒先入去,真係有種一係唔食一係我就要食最好嘅霸氣,咳咳。 既然只有一個人,坐喺吧枱位就好正常,我都好鍾意睇住廚房嘅運作,呢種位置啱晒我。睇到枱頭有蒜頭辣醬胡椒粉同醋,再加埋個水壺真係日本常用嘅冰水壺,未食加定分先。 拉麵嘅湯頭就分濃淡兩種,濃嘅會加入背脂即係豬肥,雖然京都系嘅拉麵係以濃厚見稱,不過食醬油湯底就梗係食清湯,我覺得醬油湯底唔應該落豬肥,好易冚過醬油味嫁嘛。 等咗唔係好耐碗拉麵就嚟到,睇落幾大碗而且叉燒份量唔少,計落幾抵食喎。Slow Cook嘅叉燒梗係要帶啲粉紅色啦,但因為湯係熱湯,浸係湯裡面都會變熟好似生牛河咁,所以第一時間梗係食返塊叉燒。 Slow Cook叉燒量多之餘並非燈影級,唔會一下就畀熱湯淥熟,帶微粉紅嘅叉燒食落的確夠軟熟,而且會多一份煙韌嘅口感,除咗醬油味外,仲會畀你一種類似風乾火腿嘅味道,無令我失望。 粉嫩叉燒係耍家 麵係最常見果隻黃色鹼水麵,醬油湯底十居其九都配呢種麵,雖然我自己就唔太鍾意鹼水嘅味道,但佢嘅鹼水味就唔太明顯,食落口彈牙唔會過淋,令人滿意。 鹼水拉麵幾傳統 用豬骨煲嘅湯,就點都會有油花嘅,不過睇下湯面嘅油花其實唔多,絕對配得上清湯呢個名。飲一啖,醬油味突出而不失豬骨同木魚嘅鮮味,飲真啲仲會飲到薑味,好有日本嘅感覺,喺香港屬一流水準,就算走到日本都唔失禮。以為咁就完?少年你太年輕了,枱頭仲有一支醋,一加落去,由豬骨風變成魚介風,用清鮮嘅味道作結,就唔覺得有罪惡感啦。 醬油湯底夠和味 無論湯底、叉燒都唔會輸畀日本嘅拉麵,價錢亦同日本相差無幾,唔想食香港主流嘅豬骨湯底,呢度絕對係個好選擇。 價錢:$98 Source
  14. 來到貴鬆鬆的挪威,有些東西卻比香港更便宜,那就是海鮮了。你知道嗎,在卑爾根吃海鮮自助餐連遊船河,竟然六百港元不到,而且有長腳蟹食,在香港要食長蟹腳肯定不少於500元,更何況加上遊船河呢?而且挪威是漁產出口國,香港是進口國啊~ 就是這艘船了,船隻沒有很大,比香港的渡海小輪更小。雖然距離開船時間還有十五分鐘,不過職員已經讓我上船了,即是可以吃囉? 船不大座位自然不會很多,而且空間都尚算闊落,意味著很少人爭食囉? 蟹蟹蟹蝦蝦,我當然不會拿那些蝦來吃啦,吃貴的才能回本呀。 既然漁業發達,壽司刺身當然是簡單快捷的菜式,仲有比挪威的森林更出名的是挪威的三文啊。 熟食?不要說我不會選,連其他顧客都好像沒怎麼下手… 反而這個我有興趣,魚子醬任吃﹗ 我最期待的畫面出現了﹗這裡可以看到不同的狀態,最左的你見到肉殼分離就知道時間較久水份少囉,雖然這種乾身的蟹肉更濃味,不過質感會很鬆散,所以還是挑些肉貼殼的蟹來吃,肯定比較新鮮。 看這飽滿的蟹棒,不是扮晒蟹的蟹柳,是真的蟹肉棒,咬下去有肉汁又鮮甜無比, 如果香港的已經令人滿意,這裡的當然是更高享受。 這自助餐沒有龍蝦吃,但是有龍蝦湯,只是龍蝦味不算濃,鹹度卻很高,這個鹹度是越飲越渴啊,這是維京人style嗎? 其他的東西也該嚐嚐,蟹腳跟蟹鉗是跟一開始的長腳蟹不同種,似乎是乏人問津關係相當乾身,很明顯不新鮮。三文魚刺身的油花也沒有香港的出色,赤身也帶比較濃的血味,到底是刀功問題還是水域問題呢?倒是醃三文魚這比較傳統的北歐菜式挺好吃,更能呈現三文魚的爽滑。 壽司?看樣子就知飯粒沒黏性啦,不過有加牛油果噢飄跌亞否卡道。因為沒有澱粉質不飽肚,多少也有吃一點,而且一直在吃蟹肉會膩,換一換口味又可以繼續作戰。至於帶子刺身…切到這個樣子你還是死心吧。 反而味噌湯還算正常,不會太鹹亦濃味,生冷食物吃得太多有點不適,飲暖湯和食生薑後又能作戰下去。 我吃魚子醬的次數大概一隻手就數到,也不懂得如何分高低級,但既然這裡有得吃也自然不會錯過。味道就簡單的鹹鮮味,紅色那種就多一點辣味像明太子,放在麵包上吃吧。 下層是酒吧,歐洲嘛怎可能沒酒?當然這裡的酒價錢非同小可,我還是喝tape water就好了。 坐遊艇自然要上甲板看風景,這天有一團外國人搞聚會,只是他們在甲板進食不就是食西北風嗎?雖然不是很冷,但還是會冷吧。 當天基本都陰天,沒甚麼好風景可看,雖然我的重點都放在食物上。 雖然自助餐的菜式不多,不過大家應該不會介意,因為都只會跑去吃蟹。遊船河嘛…如果碰到天氣好,上甲板吹吹海風是不錯,像我大陰天就差點囉,不過就算是晴天我想我還是會一直在裡面吃蟹腳嘩哈哈。 Source
  15. 雖然米芝蓮係飲食指南,不過佢哋鬼佬嘛,講到香港菜,真係識條鐵咩。生抽皇黃秋生就唔同,雖則佢都係半個鬼佬,但最少係香港土生土長,佢話好食嘅,我信嫁。早排見到佢去屯門食海鮮食得咁開心,梗係跟,做唔成影帝都可以食影帝餐嘅﹗ 餐廳就酒樓格局,無咩特別,最多就係坐房同坐大廳有唔同收費。平時食飯就頭痕揀咩食,今次簡單,黃秋生食咩我食咩,唔夠飽就搵伙記推介,完全係思想殘廢餐。唯一要揀嘅,咪汽水定啤酒囉,畀我見到佢哋係玻璃樽版本,一定係飲汽水,啲氣「鋸」好多~ 影帝餐第一道係白酒忌廉煮花甲烏冬,花甲係啲肉係飽滿到貼邊而唔係空殼公司,抵食吖,同埋就算有忌廉汁係度都食得出隻花甲嘅清甜。作為好酒之人我當然希望白酒味再濃啲,不過食得出白酒嘅香味已經好夠。而忌廉就比平時食西餐嘅白酒忌廉黃身同多幾份甜味,量多但唔係水汪汪,就算攤凍咗入口都唔會好膩。烏冬本來無太大期望,又估唔到佢食落夠滑溜,口感唔會過鬆散或太結實,唔係我買開十蚊幾包果種純醫肚Cheap貨。 泰皇芝心蝦丸就係成粒手榴彈咁嘅炸芝士蝦丸,香脆嘅麵包粒食落去無油膉味,裡頭包住嘅蝦丸亦彈牙唔係一口麵粉,而且仲有個一咬就爆嘅芝心,除咗要小心啲芝士係口裡面爆出嚟,仲要注意唔好畀滾熱辣嘅芝士顏射哦~ 雖然佢係一碗蕃茄薯仔海鮮湯,但並唔係橙紅色,呢碗湯都應該係我人生中最貴嘅蕃茄薯仔湯喇,佢係用咗瀨尿蝦同沙白去煮,真係一聽就知佢鮮味。飲落就好老實,蕃茄味唔重,海鮮嘅鹹鮮味比較明顯,咁嚟得呢頭食飯海鮮先係主角嘛。飲完湯梗要食埋湯渣,可以見到十隻八隻瀨尿蝦隊落去煲,真材實料嫁﹗ 薑蔥鮑魚煲聽個名好似晒咗隻鮑魚,不過佢地係用鮮鮑魚而唔係乾鮑,而鮮鮑味道其實幾淡,配薑蔥簡簡單單就相當好。呢個薑蔥鮑魚,爆香咗大量薑蔥蒜,再加埋強勁嘅鑊氣,淡味都升級成惹味。而且鮑魚夠大隻又夠嚼頭,真係唔會比乾鮑輸蝕。 蒜茸粉絲蒸元貝雖然屋企有時都會整,不過屋村街市仔要又大又靚嘅元貝唔容易,既然呢度有大隻元貝,梗係唔可以錯過。個元貝殼大過我隻手,肉就有掌心咁大,咁大粒元貝真係可以話係肚滿腸肥,食落啖啖肉又唔會黐殼,加埋蒜香粉絲真係無敵組合。 呢度嘅招牌菜焗芝士龍蝦呢個無理由唔食啦,我要了解吓咩叫做有芝士香無芝士臭嘅芝士。睇報導話用咗三種芝士,小弟不才唔會食唔到係邊三隻,不過有芝士無拉絲,應該都無水牛芝士。首先由個頭開始食,啲芝士味確實香濃,同埋食落去面頭微脆裡面就似蛋糕咁軟熟,幾有趣而且我鍾意。焗過嘅龍蝦肉並無焗過龍,口感唔韌而且有肉汁,扯起成舊龍蝦肉然後好似雞髀咁一啖咬落去,真係好爽。食完終於明咩叫有香無臭嘅芝士,應該係指佢無芝士果種奶膻味--雖則本人係連羊奶羶都唔怕。 雖然食咗好多海鮮,但係見秋生哥食過鹽油焗奄仔蟹,一場嚟到唔嗌又好似可惜咗啲。望住啲蟹黃漏出嚟咁款,梗係一啖啜落去阿黃度。阿黃同大閘蟹黃其實幾相似,味道一樣都係鹹中帶甜。呢隻奄仔蟹嘅蟹肉明顯比大閘蟹肉厚紥實,唔似大閘蟹食完個黃就無肉食,同埋唔使等咩九圓十尖一年一造咁悽涼,幾時都有得食。 食海鮮,最緊要食得夠鮮,有咩鮮得過係海邊食先?再加埋有影帝加持,個朵夠響嘢食夠鮮,值得食啦。 價錢:約$480 Source
×