• All Activity

Search the Community

Showing results for tags 'sabatini'.



More search options

  • Search By Tags

    Type tags separated by commas.
  • Search By Author

Content Type


Forums

  • The Concierge
    • Notice Board
    • Promotions & Deals
    • Testimonial
    • Help & Support
  • The Domestic Lounge (Hong Kong)
    • News & Updates
    • Travel Deals
    • Plan a Trip
    • Accommodation
    • Gourmet
    • Shopping
    • Attractions
    • Others
  • The International Lounge (Worldwide)
    • Plan a Trip
    • Others
  • The Business Centre
    • Sell & Exchange
    • Business Opportunity

Blogs

  • All About Hong Kong
  • Yvonne's Corner
  • empresswantscoffee's Blog
  • 好食到WTF?! 彭彭聲的飲食日誌
  • All About Travel
  • Daisy @ Nevertoosweet
  • Photos from Hong Kong
  • 【Liz's taste: 細味人間】
  • 食欲都市
  • Hungry Su
  • KsMeow 我們的生活
  • 瞳.年.夢
  • Food and Crits
  • Iki飲飲食食好玩BLOG (為食小豆)
  • This is Hong Kong
  • Hong Kong Thru My Eyes
  • CHRISTIANYUEN
  • Jalis.F's Blog
  • HK-graphy
  • Dreaming of Hong Kong
  • supersupergirl dining in Hong Kong
  • supersupergirl's snack blog
  • partyqueeie's Blog
  • Menty's
  • CHRISTIANYUEN - CULTURE
  • supertaster Mel
  • coffeewithasliceoflife's Blog
  • Eat With Jess
  • pearlorange
  • coffeewithasliceoflife's Blog
  • Helloabella
  • Foodcraft's Blog
  • foodcraft's Blog
  • Mogu Farm
  • Spot The Food
  • O2O Marketing Strategy's Blog
  • Foodprint
  • Spot The Food
  • Michele von Hamburg
  • 香港毎日ローカル飯
  • 甜魔媽媽新天地
  • thisgirlabroad
  • Kaori Sumida
  • This is how I got my bespoke personal tailor in Hong Kong
  • heysherroll
  • Serene Law

Categories

  • Articles

Found 2 results

  1. 來到週三,又分享一下陳年蜜月,今天是最後一篇意大利遊記了!又是相同前言:這已是接近十年前的陳年遊記,照片質素較差,同時當中場景及價位未必適宜作旅遊參考。同時,當時資訊遠不及現在發達,那時還未知道五漁村!否則一定也會納入行程中.... 今篇主角是時尚之都的米蘭,也許是天氣,亦可能是城市化的影響,除了驚嘆米蘭歌德式教堂實在超美!名店街也非常吸引外,米蘭的整體吸引力絕對不及之前數站。中間也會加插去科莫湖不成,改到 Piacenza 閒逛的片段~ 再次到達米蘭火車站, 影張相先~ 第一件事都係搵酒店! 是晚房價係威尼斯的一平咋 房間當然都簡單好多 米蘭地鐵冇香港企理, 但總算比巴黎乾淨 24小時任搭pass只係3歐, 好抵喎 搭去Duomo, 一出站已經見到座教堂喇!! 同威尼斯差唔多的廣場, 但去到城市就冇左藍天 幾時都袋住食剩麵包的我, 又表演餵鴒~ 成日餵, 唔悶咩? 真係唔悶喎~ 哥德式的教堂確係堅靚!! 近睇 而且, 仲係免費入場+任影唔嬲~ 信眾點起的燭光~ 通花窗靚到爆, 老公影左勁多 教堂仲有底層, 不過依樣要收1歐參觀費喇 地庫有3邊, 依幅係其中一邊 講真, 睇完其實都唔知係乜~ 臨近出口, 一尊好出名的雕像 聖人身上披的, 係佢自己的皮!! 聽講教堂頂又係勁靚 我同老公決定俾多每人5歐, 上樓睇睇~ (5歐要行樓梯, 如果搭lift就要8歐) 冇記錯樓梯約300級, 好快就到達中層 再沿石梯上多1層就到頂, 果然氣派不凡~ 機仔合照 定時自拍合照 之後去名店街shopping啦!!! 終於可以o黎朝聖啦, yeah! 其實shopping過程好快, 因為我向來目標單一而明確! 成功!! 就係你喇~ ^^ 係prada總店朝聖完, 其餘就留返巴黎尾站再買過!! 完成一個心願, 又去搵Cova總店圓另一個夢 搵係搵到, 可惜... 同意大利想book的幾間米芝蓮一樣, 成個8月唔開呀! 唔開心.... 好鬼失落囉, 幸而有盤車形盆栽氹下我開心 真係好搞鬼~ ^^ 去唔到cova, 又去返名店街, 轉投gucci懷抱~ 唔係去血併呀, 而係嘆下午茶~ 想食的朱古力cake賣哂, 齋嘆下咖啡啦~ 老公同佢的cappuccino~ 意文中latte即是牛奶, caffe latte先係鮮奶咖啡 我一時死蠢忘記左, 就咁叫左杯鮮奶!!! @@ 不過鮮奶都有打過, 既香又細的泡沫幾吸引架 佢的menu同賬單都好靚, 幾想拎走做紀念呀... (呵呵, 係就抵喇, 一定貴過餐茶!! :p) 未夠鐘開餐, 去左個寧靜的小區行下 俾人偷影我無聊吹蒲公英... 8月, 真係好多舖頭都關門~ 無聊時最佳活動 -- 行超市~ 又有間lonely planet推介雪糕店呀!! 雖然是日天陰清涼, 都照食~~~ 揀乜好呢? 我地都愛上左開心果味, 一定揀佢做膽! 此外我至愛的古力, 老公至愛的檸檬, 都係常食口味 晚餐地點一早諗好, 就係酒店對面的sabatini!! 雖然同帝苑的毫無關係, 但我地就係咁膚淺, 哈哈 環境寧靜舒服~ 又係冇黑醋的麵包 米蘭式番紅花意大利飯 - 唔好睇佢一pat黃色唔開胃咁, 吃來係難以想像的美味!! 意式燒烤拼盤 -- 有飯又有肉, 老公好開心呀!! 返到酒店開埋白酒, 睇下movie, 好寫意~ 第2朝於酒店早餐 內容簡單, 但而不失美味 由早餐位望落街, 仲可以見到琴晚食飯的sabatini~ 又偷影我, 怒啤老公先~ 原本打算去睇科莫湖, 但因班次問題改去較近的Piacenza, 車程只約半小時~ 小鎮頗寧靜, 人唔多 雖乜特別景點, 但我同老公都幾enjoy乜都影一餐 城牆遺趾? 行在古樸的街道, 可以想像其實好多意大利人的生活原來仲係好簡單~ ^^ 有鞦韆呀!! 老公影完後, 我馬上衝去玩啦~~ 圓拱形的怪建築 2小時的亂走亂行之旅就此結束, 之後又返去米蘭! 再次返到米蘭, 仲有2個鐘先離開 咁去"睇"埋最後的晚餐啦! 唔識路成日都要問人... 雖然英文麻麻, 但意大利人總會好盡力解答, 連城市型的米蘭都唔例外. 相比法國, 好鍾意意大利依點!! 差唔多去到啦~ 仲以為係上面紅磚屋, 原來仲要行~ 達文西的大作《最後的晚餐》就係收藏於此小館~ 幅畫超巴閉, 要睇要收費不但止, 仲要早N個月打電話預約, 我地當然做唔到啦 當日都扮懞想俾錢混入場, 都係唔成功, 唯有在館外影一影算數~ 買張postcard咪當睇左, 我地好阿Q架~ ^^ 回程啦, 沿路見到間好吸引的朱古力店 唔夠時間坐底慢慢食添.. 好在火車站都有間吸引的雪糕店 開心果朱古力脆皮條 Tiramisu 下一站已經係法國尼斯 (兩口子後來很喜歡的地方)~ 意大利拜拜喇!! 延伸閱讀 2009 意大利 + 法國蜜月遊記 ❤ 總結篇 2009 陳年意大利 + 法國蜜月遊記 ⚜ Firenze 佛羅倫斯 ⚜ 2009 陳年意大利 + 法國蜜月遊記 ♰ 比薩半天 Pisa + Siena ♰ 2009 陳年意大利 + 法國蜜月遊記 ✤ Venice 威尼斯 ✤ 預覽及總結*2014摘星高茶音樂劇5週年倫敦行* 六週年鐵婚曼谷之旅 ஐ Iron Wedding Bangkok Trip ஐ 旅程總結 七週年銅婚 ஐ Copper Wedding Bangkok Trip ஐ 曼谷之旅總結 2017 Sydney Trip Summary ❤ 悉尼8週年陶婚 x 探親之旅 ** 想得知最新飲食情報,可追蹤 甜魔媽媽;欲得知甜魔一家消息,就追蹤 Matthew and Chloe 吧~~
  2. 清邁親子旅行進行中,感覺真的與上週 兩口子曼谷之旅 完全不同... 旅行的內容留待星期五回來再分享,今天先補記上週六與小甜心在 Sabatini 的下午茶記,看完這篇,很可能大家就能想像甜魔媽媽這次旅行的經歷及感受~ 第4次來 Sabatini 了!之前有兩次都是與老公來拍拖,始終這樣經典氣氛的意大利餐廳已經賣少見少了。這次來品嚐新版本{羅馬假期下午茶 Roman Holiday Afternoon},決定帶同小甜心Chloe同行,結果⋯ Sabatini 的環境實在迷人,特別我們就坐餐廳角位,點點日光下感覺更醉人,勾起太多7年前兩口子渡蜜月的甜蜜回憶!除了布拉格/維也納,明年也好想再去意大利啊~ 講回食物,新版本的羅馬假期下午茶達週六日及公眾假期3:15 - 5:30pm供應,每位$294,兩位$588,內容相當豐富,以此價格可在 Sabatini 悠然渡過2個多小時,十分超值! 下午茶包每人一杯意大利有氣葡萄酒或橙汁(也可改其他果汁);如此浪漫環境下,兩口子當然都選 Prosecco。如是酒鬼,可考慮加$108/位轉成 Free Flow!不過帶著Chloe不好了。 在這浪漫的環境下,Cheers! 希望我倆繼續甜蜜恩愛下去,同時小兄妹不要太頑皮... 說起小兄妹,沒酒飲的Chloe做甚麼呢?答案是試著用餐匙勺水來喝,神態表情十分趣怪吸晴,但弄到餐檯布及自己裙子都濕了一片,又令媽媽忍不住有點抓狂! 傻妹妹轉個頭又興奮大笑/甜笑,與媽媽同出一徹但更加迷人的香蕉笑眼,謀殺了媽媽超多記憶體啊~所以旅行中就算兩隻乖乖,執相過相的功夫都比兩口子時多,很多! 下午茶及時上檯,焦點又回到吃了。三層高的下午茶盛載雙人份的精緻鹹甜點及鬆餅,另外還有巴馬火腿及意式雪糕,陣容相當豐富,要吃的話午餐一定要留肚。 先吃妹妹最愛的 Parma Ham with Melon 巴馬火腿蜜瓜,這裡的火腿挺鹹,但當配上清甜軟熟的蜜瓜,一切就來得剛好;火腿上又有新鮮好吃的橄欖,配汽酒最妙了~ 然後按順序吃頂層鹹點:Italian Cherry Tomato with Parmesan Chips 意大利車厘茄配巴馬臣芝士脆脆,一甜一鹹、一多汁一香脆的對比感很美妙,很愛;Australian Wagyu Beef Burger with Focaccia 澳洲和牛漢堡配意大利香草包 這混血兒將「父母」的優點結合,出品多汁而鬆香美味,又很讚;最後 Norwegian Smoked Salmon Mousses & Mango Tart 煙三文魚慕絲芒果撻 也是不錯的Fusion創作,只是個人較愛前兩款。 來到中層有:Deep Fried Italian Red Prawn Toast 炸意大利紅蝦多士,首次吃如此矜貴的蝦多士,味道特別鮮,配上龍蝦沙律醬非常美味!也很喜歡 Pan Fried Italian Scamorza Cheese with Aged Balsamic 香煎煙水牛芝士配陳年黑醋,味香濃郁,筆時也在懷念;最後 Scone with Cream and Strawberry Jam 鬆餅配忌廉士多啤梨果醬 不用說是下午茶靈魂啊。 最後是帝苑馳名的甜點,包括:Tiramisu 提拉米蘇、Napolean 雜莓拿破侖餅、Panna Cotta 意大利芝士奶凍等,無一不精彩,但最愛還是 Saint Honore Gateau 聖安娜忌廉餅,成品集清脆、鮮香、甜美於一身,經過那麼多年,仍是城內數一數二的經典美味甜品! 至於Chloe妹妹,除了分享火腿、香草包,還試吃了Tiramisu,而且差點變身成大叔!傻妹妹妳實在太太太搞笑了~XD 其實我們都飽了,但下午茶還有 Gelato Affogato Vanilla Ice-cream with Amaretto and Espresso 意式雪糕配杏仁酒。香又滑的Gelato同時加進特濃咖啡及杏仁酒,效果有點似Affagato,但富有酒香味道更迷人,迷咖啡又迷酒的老公特愛! 最後還有每人咖啡/茶,兩口子分別點了Cappuccino 及 Mocha,嘆完又是時間回去,始終帶著小孩耐性支撐不了那麼久,這頓妹妹安坐了個多小時,很叻女了~ 帶小孩很快樂,不過也很忙。臨走得知 Sabatini 又新出了抵食的仲夏精選晚餐 (每位$688),真有衝動放低兩兄妹,兩口子再來拍拖吃飯呢。會有時間嗎? Sabatini Ristorante Italiano 地址:尖沙咀麼地道69號帝苑酒店3樓 電話:2733 2000    ** 想收到兩小兄妹的最新消息,可以like一下Matthew and Chloe fanpage哦~~ 原文:http://gourmetyan.blogspot.com/2016/08/sabatini.html