• All Activity

Search the Community

Showing results for tags '意大利'.



More search options

  • Search By Tags

    Type tags separated by commas.
  • Search By Author

Content Type


Forums

  • The Concierge
    • Notice Board
    • Promotions & Deals
    • Testimonial
    • Help & Support
  • The Domestic Lounge (Hong Kong)
    • News & Updates
    • Travel Deals
    • Plan a Trip
    • Accommodation
    • Gourmet
    • Shopping
    • Attractions
    • Others
  • The International Lounge (Worldwide)
    • Plan a Trip
    • Others
  • The Business Centre
    • Sell & Exchange
    • Business Opportunity

Blogs

  • All About Hong Kong
  • Yvonne's Corner
  • empresswantscoffee's Blog
  • 好食到WTF?! 彭彭聲的飲食日誌
  • All About Travel
  • Daisy @ Nevertoosweet
  • Photos from Hong Kong
  • 【Liz's taste: 細味人間】
  • 食欲都市
  • Hungry Su
  • KsMeow 我們的生活
  • 瞳.年.夢
  • Food and Crits
  • Iki飲飲食食好玩BLOG (為食小豆)
  • This is Hong Kong
  • Hong Kong Thru My Eyes
  • CHRISTIANYUEN
  • Jalis.F's Blog
  • HK-graphy
  • Dreaming of Hong Kong
  • supersupergirl dining in Hong Kong
  • supersupergirl's snack blog
  • partyqueeie's Blog
  • Menty's
  • CHRISTIANYUEN - CULTURE
  • supertaster Mel
  • coffeewithasliceoflife's Blog
  • Eat With Jess
  • pearlorange
  • coffeewithasliceoflife's Blog
  • Helloabella
  • Foodcraft's Blog
  • foodcraft's Blog
  • Mogu Farm
  • Spot The Food
  • O2O Marketing Strategy's Blog
  • Foodprint
  • Spot The Food
  • Michele von Hamburg
  • 香港毎日ローカル飯
  • 甜魔媽媽新天地
  • thisgirlabroad
  • Kaori Sumida
  • This is how I got my bespoke personal tailor in Hong Kong
  • heysherroll
  • Serene Law

Categories

  • Articles

Found 6 results

  1. 相隔兩週,終於又回來陳年蜜月遊記。重新再出發,今集已經來到法國部分,首站是法國南部的尼斯 Nice,處於蔚藍海岸帶,風光明麗潔淨又璀璨,比預期中更迷人吸引!超美的海灘以及誘人海鮮美食,首晚已令兩口子傾心,結果成為是次蜜月最愛地點!有後悔只留兩晚啊... 今篇也會記錄同於南法的獨立國---摩納哥 Monaco 的半日遊~ 開始前,又是相同前言:這已是接近十年前的陳年遊記,照片質素較差,同時當中場景及價位未必適宜作旅遊參考。 終於離開意大利, 出發往旅程第2部分 -- 法國 要換一本天書囉~ 本想搭早一班車, 中午就到尼斯 但因冇位, 搭後一班火車, 到達尼斯已經8點! 又係先搵酒店落腳~ 一入門即刻忍唔住 -- "OMG, 我超鍾意依間房呀!!!" 裝潢充滿法越式優雅風味, 仲附送迷人小窗台! 雖然唔實用, 但以後新居都想買個咁o既櫃呢 門匙都簡約而別具風味~ 幾鍾意間房都好, 都要快快腳出去影夜景! 9點幾的林蔭大道, 深藍的天空異常迷人 連日遊玩意大利, 此刻感受尼斯的與別不同及美好, 我同老公無法不即時愛上此站!! 美麗的海岸線 唔止海傍庭位, 沙灘上都仲有人留連架 賭場 街上的噴漆畫家 再行, 又見到一team人表演street dance 好鍾意尼斯的熱鬧同璀璨!! 10點幾, 天色已全黑 再影唔到靚景, 同老公入左市集 熱鬧的市集區, 又係另一番風光 再行前少少, 又有連露天食肆, 氣氛一流! 連日食pizza, pasta, risotto後, 當然揀海鮮食啦! 依間餐廳人氣最盛, 食物賣相又最吸引, 決定揀佢開餐 "仲未有得食呀?" 話咁快, 白酒先到~ 清甜, 好飲, cheers! ^^ 主菜到啦!! "車, 我都唔食生蠔...." 係法國, 每次食蠔總會附上幾塊toast (唔好食) 未夠鐘食belon, 幸而次選的claire de fine都鮮美無比 半打先賣13.5歐, 好抵食!! (代老公發言而己, 我仲係未克服怕蠔心理) 之後老公再encore半打蠔 我好笨, 海鮮只鐘意食熟的 選左藍具意粉, 彈牙又美味~ 而且, 仲係超級大份呀!!! 2個人都食唔哂... 好飽+好醉+好wing.... 食完即返靚靚酒店休息lu~ 第2朝起身, 見到老公妙用露台 俾個醒佢~! ^^ 趁未係好曬, 去游個早水先 (其實已經10點幾, 都唔早...) 日頭, 尼斯又係另一番風光~ 唔駛10分鐘就出到海邊, 真係愛死間酒店! 老公水著 個時兩口子都瘦太多了..... > < 游完水, 去酒店附近的麵包店買包食 好長的法包, 2個人都食唔哂! 仲有件唔細的蘋果批 法國的蘋果批勁好食呀!!! ^o^ 之後出去行下市區 Nice, 我地鍾意你!! 搵到一間好靚的超市~ 勁有citysuper feel 又買左D酒 ..同埋甜品~ 好rich好好食呀!! 再去海邊, 初時仲好晴架~ 不過慢慢有d天陰 老公機下的尼斯海灣 美麗的天使灣, 完全是如畫風光~ 如果多D陽光, 一定靚到爆呀!!! 海灣盡頭, 有人跳崖呀! 捕捉到動態一刻!!! 行完海, 上山睇古堡同舊城啦 半路眺望天使灣 突然一陣驟雨!! 同老公去左路邊坐低, 順便野餐~ 停左雨, 繼續游覽~ (雖然繼續天陰) 眺望另一邊港口 山上有遊樂場, 小瀑布, 水池, 古城遺址, etc 不過我地都係較愛鳥瞰山下風光 穿過山上教堂旁的墓園, 沿著小徑慢慢落山 落到尼斯古城區, 又係另一番風光 舊城最o岩搵尼斯垝味小食 -- socca 依間野又係lonely planet推介, 都幾多人排隊! socca係鷹咀豆磨粉開的煎麵餅, 加埋橄欖油幾香口~ 見到HD呀!! 決定只影張相, 唔食佢, 因為... 有另一間仲吸引呀~!! 好多好吸引的口味~ 又有唔同size的筒同杯, 點揀好呢? 貪心的我, 要左最大size的杯呀!! 店員好細心咁筆, 食到底都有明顯4隻味呢~ 夜晚本來想再食海鮮, 但俾香噴噴的烤雞吸引左 法國烤雞真係超好味, 但亦都超飽, 晚餐食唔落lu.... 8點幾, 仲有陽光, 又去游水 今次買埋浮床玩~ ^^ 好寫意, 好舒服的時光~ 美麗的黃昏 是晚買左支rose飲, 係咪好襯間房呢? ^^ 尼斯最後一晚, 老公帶腳架出去影夜景 Day 3 早上, 我們就去了位於法國南部, 但屬北非的摩納哥 Monaco 係全球第二細國家, 全長只得4公里, 以豪華賭場及滿街名車聞名~ 由尼斯去摩納哥, 只需25分鐘, 也不需簽証入境, 非常方便 由高眺望摩納哥海灣風光 除左名店, 摩納哥仲有數之不盡的名車!! 是日天氣晴朗, 跑車的紅同藍天好襯!! 到達摩納哥最著名的蒙地卡羅睹場 唔似澳門的24小時營業, 賭場下午2點先開喎 下就又要趕車去馬賽的我地, 同佢無緣啦~~ 算啦, 我都唔會睹的, 留影一張就夠了~ 賭場附近有個超可愛的police station 行前去公園睇睇啦~ 以多款雀鳥為主題的公園 鮮艷的大紅花 呵呵, 偷偷插左一支o係老公背脊! 兩個水池背後, 再次見到睹場 黎張合照啦~~ 去睇另一個景點啦 以下是沿路風光 見到公眾泳池收費4.8歐, 比香港貴一截, 但有滑水梯 我地再次上山, 今次係睇皇宮~ 到達山頂廣場, 剛好開始儀象隊表演! 超多人圍觀, 我根本乜都睇唔到!! 盡力舉高雙手影都係影到少少, 老公就比較好 表演只得10分鐘左右, 儀象隊行過對面就結束lu~ 由山頂再望摩城風光, 不過天色轉陰唔多靚 之後就返尼斯, 執埋行李搭火車出發往馬賽了! 玩完摩納哥, 離開前又到最愛超市, 掃貨+食個quick lunch~ 美味的叮叮risotto, 以及大大件布甸~ 下一站是 Marsailles 馬賽, 途中也曾短留康城8分鐘 如果有機會再遊尼斯,應該也會去康城玩上一天! 延伸閱讀 2009 意大利 + 法國蜜月遊記 ❤ 總結篇 2009 陳年意大利 + 法國蜜月遊記 ⚜ Firenze 佛羅倫斯 ⚜ 2009 陳年意大利 + 法國蜜月遊記 ♰ 比薩半天 Pisa + Siena ♰ 2009 陳年意大利 + 法國蜜月遊記 ✤ Venice 威尼斯 ✤ 2009 陳年意大利 + 法國蜜月遊記 : Milano 米蘭 + Piacenza 預覽及總結*2014摘星高茶音樂劇5週年倫敦行* 六週年鐵婚曼谷之旅 ஐ Iron Wedding Bangkok Trip ஐ 旅程總結 七週年銅婚 ஐ Copper Wedding Bangkok Trip ஐ 曼谷之旅總結 2017 Sydney Trip Summary ❤ 悉尼8週年陶婚 x 探親之旅 ** 想得知最新飲食情報,可追蹤 甜魔媽媽;欲得知甜魔一家消息,就追蹤 Matthew and Chloe 吧~~
  2. 來到週三,又分享一下陳年蜜月,今天是最後一篇意大利遊記了!又是相同前言:這已是接近十年前的陳年遊記,照片質素較差,同時當中場景及價位未必適宜作旅遊參考。同時,當時資訊遠不及現在發達,那時還未知道五漁村!否則一定也會納入行程中.... 今篇主角是時尚之都的米蘭,也許是天氣,亦可能是城市化的影響,除了驚嘆米蘭歌德式教堂實在超美!名店街也非常吸引外,米蘭的整體吸引力絕對不及之前數站。中間也會加插去科莫湖不成,改到 Piacenza 閒逛的片段~ 再次到達米蘭火車站, 影張相先~ 第一件事都係搵酒店! 是晚房價係威尼斯的一平咋 房間當然都簡單好多 米蘭地鐵冇香港企理, 但總算比巴黎乾淨 24小時任搭pass只係3歐, 好抵喎 搭去Duomo, 一出站已經見到座教堂喇!! 同威尼斯差唔多的廣場, 但去到城市就冇左藍天 幾時都袋住食剩麵包的我, 又表演餵鴒~ 成日餵, 唔悶咩? 真係唔悶喎~ 哥德式的教堂確係堅靚!! 近睇 而且, 仲係免費入場+任影唔嬲~ 信眾點起的燭光~ 通花窗靚到爆, 老公影左勁多 教堂仲有底層, 不過依樣要收1歐參觀費喇 地庫有3邊, 依幅係其中一邊 講真, 睇完其實都唔知係乜~ 臨近出口, 一尊好出名的雕像 聖人身上披的, 係佢自己的皮!! 聽講教堂頂又係勁靚 我同老公決定俾多每人5歐, 上樓睇睇~ (5歐要行樓梯, 如果搭lift就要8歐) 冇記錯樓梯約300級, 好快就到達中層 再沿石梯上多1層就到頂, 果然氣派不凡~ 機仔合照 定時自拍合照 之後去名店街shopping啦!!! 終於可以o黎朝聖啦, yeah! 其實shopping過程好快, 因為我向來目標單一而明確! 成功!! 就係你喇~ ^^ 係prada總店朝聖完, 其餘就留返巴黎尾站再買過!! 完成一個心願, 又去搵Cova總店圓另一個夢 搵係搵到, 可惜... 同意大利想book的幾間米芝蓮一樣, 成個8月唔開呀! 唔開心.... 好鬼失落囉, 幸而有盤車形盆栽氹下我開心 真係好搞鬼~ ^^ 去唔到cova, 又去返名店街, 轉投gucci懷抱~ 唔係去血併呀, 而係嘆下午茶~ 想食的朱古力cake賣哂, 齋嘆下咖啡啦~ 老公同佢的cappuccino~ 意文中latte即是牛奶, caffe latte先係鮮奶咖啡 我一時死蠢忘記左, 就咁叫左杯鮮奶!!! @@ 不過鮮奶都有打過, 既香又細的泡沫幾吸引架 佢的menu同賬單都好靚, 幾想拎走做紀念呀... (呵呵, 係就抵喇, 一定貴過餐茶!! :p) 未夠鐘開餐, 去左個寧靜的小區行下 俾人偷影我無聊吹蒲公英... 8月, 真係好多舖頭都關門~ 無聊時最佳活動 -- 行超市~ 又有間lonely planet推介雪糕店呀!! 雖然是日天陰清涼, 都照食~~~ 揀乜好呢? 我地都愛上左開心果味, 一定揀佢做膽! 此外我至愛的古力, 老公至愛的檸檬, 都係常食口味 晚餐地點一早諗好, 就係酒店對面的sabatini!! 雖然同帝苑的毫無關係, 但我地就係咁膚淺, 哈哈 環境寧靜舒服~ 又係冇黑醋的麵包 米蘭式番紅花意大利飯 - 唔好睇佢一pat黃色唔開胃咁, 吃來係難以想像的美味!! 意式燒烤拼盤 -- 有飯又有肉, 老公好開心呀!! 返到酒店開埋白酒, 睇下movie, 好寫意~ 第2朝於酒店早餐 內容簡單, 但而不失美味 由早餐位望落街, 仲可以見到琴晚食飯的sabatini~ 又偷影我, 怒啤老公先~ 原本打算去睇科莫湖, 但因班次問題改去較近的Piacenza, 車程只約半小時~ 小鎮頗寧靜, 人唔多 雖乜特別景點, 但我同老公都幾enjoy乜都影一餐 城牆遺趾? 行在古樸的街道, 可以想像其實好多意大利人的生活原來仲係好簡單~ ^^ 有鞦韆呀!! 老公影完後, 我馬上衝去玩啦~~ 圓拱形的怪建築 2小時的亂走亂行之旅就此結束, 之後又返去米蘭! 再次返到米蘭, 仲有2個鐘先離開 咁去"睇"埋最後的晚餐啦! 唔識路成日都要問人... 雖然英文麻麻, 但意大利人總會好盡力解答, 連城市型的米蘭都唔例外. 相比法國, 好鍾意意大利依點!! 差唔多去到啦~ 仲以為係上面紅磚屋, 原來仲要行~ 達文西的大作《最後的晚餐》就係收藏於此小館~ 幅畫超巴閉, 要睇要收費不但止, 仲要早N個月打電話預約, 我地當然做唔到啦 當日都扮懞想俾錢混入場, 都係唔成功, 唯有在館外影一影算數~ 買張postcard咪當睇左, 我地好阿Q架~ ^^ 回程啦, 沿路見到間好吸引的朱古力店 唔夠時間坐底慢慢食添.. 好在火車站都有間吸引的雪糕店 開心果朱古力脆皮條 Tiramisu 下一站已經係法國尼斯 (兩口子後來很喜歡的地方)~ 意大利拜拜喇!! 延伸閱讀 2009 意大利 + 法國蜜月遊記 ❤ 總結篇 2009 陳年意大利 + 法國蜜月遊記 ⚜ Firenze 佛羅倫斯 ⚜ 2009 陳年意大利 + 法國蜜月遊記 ♰ 比薩半天 Pisa + Siena ♰ 2009 陳年意大利 + 法國蜜月遊記 ✤ Venice 威尼斯 ✤ 預覽及總結*2014摘星高茶音樂劇5週年倫敦行* 六週年鐵婚曼谷之旅 ஐ Iron Wedding Bangkok Trip ஐ 旅程總結 七週年銅婚 ஐ Copper Wedding Bangkok Trip ஐ 曼谷之旅總結 2017 Sydney Trip Summary ❤ 悉尼8週年陶婚 x 探親之旅 ** 想得知最新飲食情報,可追蹤 甜魔媽媽;欲得知甜魔一家消息,就追蹤 Matthew and Chloe 吧~~
  3. 來到週三,暫停一下澳門遊記,繼續補記陳年蜜月時光;真的很希望在年底前完成過創舉啊!又是相同前言:這已是接近十年前的陳年遊記,照片質素較差,同時當中場景及價位未必適宜作旅遊參考。作為兩口子的 Dream City,水城風光確實迷人,一抵埗二人都非常興奮!不過逗留久了(留了三日兩夜),就會覺得威尼斯太過商業化,不及佛羅倫斯純美~ 歐洲的火車站真係好近市區 我地一出站就見到水城喇!! 威尼斯由大大小小多個島嶼組成, 要遊覽無可能唔搭船, 我地馬上去排船票~ 收費好貴, 只係街渡單程都要6.5歐, 1日pass就16歐 日子多就平返少少, 最後我地都買左3日pass~ 街渡幾似天星小輪, size再細D 速度唔太快, 都幾適合遊客觀賞水城風光~ 我地揀左最旺的聖馬可廣場地帶住, 正正就係San Marco站連行李落船! 落船後見到勁多景點都唔影, 快快手搵酒店先 咦, 到喇!! 依間酒店睇相極之古典, 令人憧憬非常.. 可惜古典係古典喇, 間房真係細到暈!! 收人千幾一晚, 但真係只得澳門威尼斯人的1/5都冇... 雖然威尼斯酒店係貴, 都唔駛咁架!! > < 唔理啦, 落街行下啦 威尼斯著名的玻璃製品, 初睇超吸引, 間間入 後來見得太多先麻木左 威尼斯又有好多面具店, 真係乜款都有~ 嘩, 你邊位呀?? 睇完騎呢相, 睇下靚仔啦 意大利真係勁多靚仔, 依間gelatier的男店員就係一位絕頂美男子 幫襯佢買雪糕時幾乎電暈丫!!! 雖然佢的雪糕又細杯又唔好食... 威尼斯的"梗有一架在左近", 非貢多拉莫屬~ 但可能船程較遠,好少見到好似威尼斯人的在唱歌 另外, 著名的嘆息橋就係位於我地酒店附近 但我地都冇特別去搵, 因為條條橋都係咁靚架啦! 威尼斯的小巷超多, 冇乜可能認到路 依間係亂行之下搵到的小店, 暖色純樸裝潢好吸引 原來又係間百年老店, 佢的朱古力餅好好食呢~ 陰涼的小巷令人較有食慾 下就的零丁時分, 唔係好多餐廳開門, 同老去左一間self service bar食野~ 食物就係咁放o係度任客人拎, 俾$$時會幫你翻熱 cover charge冇正式餐廳多, 但冇記錯都收1歐位~ 食物質素OK啦 本來5分鐘的路程, 由於我地亂行小巷, 搞到成個鐘先去到聖馬可廣場 佔地大係幾宏偉架 除左留影, 到聖馬可亦唔可以錯過... 餵鴿!!! 我地每日都袋起哂食淨的包, 一有鴿就同玩~ ^^ (後按:當年還未有禽流感,現在據知已不能餵了) 依度的鴿超熱情唔怕人, 仲會飛上人頭頂添 day 1未影到, day 2會有示範~ 溫馨小提示: 唔想中頭獎的, 建議大家戴帽呀 又出返碼頭, 見到特多的垃圾嗎? 陽光超猛, 來張影子合照~ 今次冇行李, 船上可以慢慢影喇~ (但對於當年仍然好白淨的年輕媽媽,實在是太曬了...) 街渡會穿越大運河, 途中有充滿各個著名景點建築.. 大運河風光 約40分鐘左右, 我地又出返去火車站區 因要做下一程的預位手續呀 開始日落西沉~ 著起燈的威城, 又另一種風味~ 仲飽緊個late tea, 晚餐買pizza食 好大件呢~~ 搵到間超正的gelatier, 以上只係1/3口味display咋 華藉店員仲勁手鬆, 你睇我球雪糕幾澎湃?!?! ^v^ 其實已經好夜, 返去聖馬可喇~ 歐洲雖然遲日落, 但天一黑就黑得好快 返到聖馬可已經黑曬, 快快返酒店訓覺啦! (撞鬼!真係有點似妹妹...) 翌日早餐於酒店內 內容唔夠佛羅倫斯Hotel Rivoli正, 不過都算唔錯喇 炒蛋, 甜餅, 同fresh yogurt都好食! 咖啡就有排追~ 特登襯的水手裝, 哈哈 之後搭船去威尼斯主島之外, 最大的離島Lido玩~ 老公好叻影到彩虹!! Lido較少主島的小巷同小河, 又係另一番風光 狹長的島最著名的, 係順岸一條長長的沙灘~ 沙灘風光 好多人曬太陽! 雖然藍天吸引, 不過沙灘太污糟喇~ 我地求其影下相, 就離開了 此島其餘部份係寧靜的住宅區, 絕對冇主島的濃重商業味~ 好多別墅都有大大個花園, 依個係終極版~ 好多特別花, 草, 果實, 我仲執到蕃茄添! 玩得差唔多, 又去返主島 時值潮漲, 水真係會擁到行人路的~ 參觀特別的展覽 參觀教堂 下就我地轉酒店 都係聖馬可地段, 依間明顯好好多! 大堂 終於又有返舒服的大床訓喇! ^^ 地方大好多~~ 浴室都滿意~ 推開窗簾, 仲有小運河風光添, 好正呀 最費解係 -- 依間收費仲平過第一間架! 酒店下有片小廣場, 又餵鴿~ 老公開始掛住中菜, 幾乎想衝入去... 但見中菜收費太唔合理, 都係決定咬包... 而熱天之下雪糕仍然係我的正餐~ 搵到一條名店街, 不過我地只係window shopping 梗係留返米蘭同巴黎先掃啦, hehe 好靚好靚的玻璃店 見到好多不同的berries 應老公要求, 我地上鐘塔睇全市風光~ 鐘塔唔算好高, 其實睇唔哂全市, 近就得~ 聖馬可區與大運河 由高望聖馬可廣場 威尼斯主島都分4-5個區 繼聖馬可同車站區, 我地又搭去另一區遊歷 依個區明顯寧靜好多呀! 咦, 有間lonely planet推介雪糕店喎 ...梗係打死唔放過!! 不過都唔夠我早晚食的QB出品好食~ 鍾意依個寧靜小區的感覺, 決定o係依頭食飯 意大利唔少餐廳都以依種脆餅條代包 海鮮拼盤, 酸咪咪勁醒胃呀 海鮮意大利飯, 老公一食就勁感動 "終於有餐米飯落肚喇!!!" 好可愛~~ ^^ 不過好可惜墨魚汁麵sold out囉... 唯有又食雪糕補償 打算去威尼斯的朋友, 認住依間QB! 你地睇店員幾疏爽, D雪糕巨型到呢... 一個字, 正!! 仲要真係勁好味~ ^v^ 餐後滿足回歸靚酒店, 咁又一日喇 威尼斯的day 3早上 唔捨得間咁靚的景呀... o係酒店食埋早餐先走, 當時仲好早呢 估唔到早餐有雜莓批食, 爽死我喇!!! ^v^ 都算唔錯的早餐~ 離別一瞬, 突然有D唔捨得... 我同老公都想搵次2月再來威尼斯, 睇面具節 希望有機會啦! 預告一下:下一站就是意大利最終站---米蘭 Milano! 延伸閱讀 2009 意大利 + 法國蜜月遊記 ❤ 總結篇 2009 陳年意大利 + 法國蜜月遊記 ⚜ Firenze 佛羅倫斯 ⚜ 預覽及總結*2014摘星高茶音樂劇5週年倫敦行* 六週年鐵婚曼谷之旅 ஐ Iron Wedding Bangkok Trip ஐ 旅程總結 七週年銅婚 ஐ Copper Wedding Bangkok Trip ஐ 曼谷之旅總結 2017 Sydney Trip Summary ❤ 悉尼8週年陶婚 x 探親之旅 ** 想得知最新飲食情報,可追蹤 甜魔媽媽;欲得知甜魔一家消息,就追蹤 Matthew and Chloe 吧~~
  4. 又是相同前言:這已是接近十年前的陳年遊記,照片質素較差,同時當中場景及價位未必適宜作旅遊參考!相比佛羅倫斯,比薩實在不算美,景點又少; 不過比薩斜塔的確很好拍好玩,值得花半天去逛逛~本篇也收錄了只逛了一小時(超市!!!)的 Siena 遊記! 再次搭火車, 我地發現同機械易過同人溝通~ 無論係車票或reservation ticket, 登車前都要validate呀 (後按:年代太久遠,完全不肯定新車票玩法!) 由佛羅倫斯約1小時車程, 就到比薩喇 比薩街景絕對唔夠佛羅倫斯靚, 殺菲林程度差好遠 要到依條橋, 先叫有D野睇 一座非常小的教堂, 要收2歐入場費冇去 都係佛羅倫斯的橋靚D~ 不過 Pisa 多好多鴿 繼 Firenze,也分享 Pisa 標誌 好鬼熱, 又要食gelato喇!! 依間lonely planet推介的gelatier, 超多人幫襯呢 我要亂指之下揀左cheesecake同芝士, 好食 老公要黑朱+開心果, 超好食囉!!! 老公最愛檸檬凍飲, 依間出品又係一絕 又去左依間小店食野 o係pisa當然要食pizza, 哈 行下行下, 俾間百年甜品店吸引住... 揀乜好呢?? 要左tiramisu同朱古力撻, 好味~ 仲俾老公的大機影到我食到花咀的相啊!!! @@ (不放大嚇人了) 到達集合3大景點的奇蹟廣場喇!! 重點當然是比薩斜塔 比薩都冇乜景, 2人決定不付錢上塔, 留o係草坪影相仲好 草坪上好多人發神經, 好好笑~ 同老公的合照 --- 多左個第3者?? 再接再厲~ 開始玩野---神力!!! 扮型 變魔術 老公跳得好高呀!!! 論到我... 不好意思, 我是超騎呢的!!!! 遊覽完景點, 又係時間買紀念品 超鍾意依家店的出品, 真係好靚~ ^^ 又俾搵到另一間百年甜品店... 美味的sacher~ ^^ 晚餐於lonely planet推介餐廳 檯上有斜塔花樽, 有意思~ ^^ 唔知點解, 意大利餐廳的麵包都冇附黑醋 熱愛意大利的pizza, 每一間都整得好好食!! lasagna都唔錯, 不過2個人分少少野都要打包收場 冇計, 好唔慣仲咁光就食晚餐... 臨離開再食佢一杯gelato, yummy!! 夕陽西沉, 都係時間返去佛羅倫斯的酒店喇 ------ 揸EU pass關係, 唔搭多D火車好似唔抵.. 所以於意大利仲無聊短遊左Toscany古城Siena (下圖為網上圖片) 抵達Firenze首日check-in後, 就同老公搭火車去Siena 由於時間較趕, 係歐洲唯一一次食左麥記~ 試左4款食物: 炸雞卷同藍莓新地都麻麻地, 但cappuccino奶昔, 同Mctoast都好好食~ 沿路風光都好靚, 但車程比預期中長, 搭左我地1.5小時... 去到Siena已經8點幾! 我地太大意, 忘記睇回程班次就上車 去到發現回程尾班車係9:20, 即係無時間去玩啦.. 古城睇唔成, 結果唯有在車站附近的商場打躉 其實歐洲的超市超好行, 我地一行就係半個鐘 其中又以酒類最平, 10幾蚊港紙就可以有支酒架啦 我地冇執輸買左支紅酒, 再嘆埋杯咖啡先返去, 總叫有收獲啦~ 其實Firenze都好有古城風味, 我同老公後來都冇諗住再去Siena喇! ------ 延伸閱讀 2009 意大利 + 法國蜜月遊記 ❤ 總結篇 2009 陳年意大利 + 法國蜜月遊記 ⚜ Firenze 佛羅倫斯 ⚜ 預覽及總結*2014摘星高茶音樂劇5週年倫敦行* 六週年鐵婚曼谷之旅 ஐ Iron Wedding Bangkok Trip ஐ 旅程總結 七週年銅婚 ஐ Copper Wedding Bangkok Trip ஐ 曼谷之旅總結 2017 Sydney Trip Summary ❤ 悉尼8週年陶婚 x 探親之旅 ** 想得知最新飲食情報,可追蹤 甜魔媽媽;欲得知甜魔一家消息,就追蹤 Matthew and Chloe 吧~~
  5. 一如標題/總結篇的介紹,這是接近十年前的陳年遊記,照片質素較差,同時當中場景及價位未必適宜作旅遊參考!佛羅倫斯(又名佛羅倫薩/翡冷翠)真是一個充滿文藝氣息的地方,兩口子都超級喜歡,留了三晚也覺得不夠! (按:與總結篇一樣,本遊記也會主要沿用當年 Facebook 用字) 用左日幾, 我地終於到達蜜月首站喇! 同班火車影張啦~ 一出火車站, 就見到好古典好靚的佛羅倫斯 正!! 考慮左好耐, 最後揀左間近火車站的酒店 大堂 sitting room 唔應該叫Hotel, 因為佢實際上係間Villa 酒店中心有片小小園林, 賞心又悅目 田園內庭中的泳池 穿過庭園, 拾梯而上就係我地間房 好滿意依個住足3晚的地方 ^^ 當日到達後我地即晚出發去Siena (另文再記), 翌日先再遊歷佛羅倫斯 佛羅倫斯的第2日 訂的價錢包埋自助早餐, 餐廳非常雅致 可揀室內或園林位 我地當然揀園林位啦! 對住花草樹木+藍天白雲, 同老公一齊食早餐 感覺好幸福啊! 早餐選擇好豐富, 包括各式麵包, yogurt... 水果, 火腿, 芝士, 炒蛋.. 甜點, cereals.. 食物水準好唔錯, 咖啡更加係極品, 好味到呢~~~ 唔識講! 超飽足的早餐, 開始遊覽景點啦 忘了名教堂 (入場費2.5歐) 唔可以著露膊衫, 所以我要披件紗入去~ 教堂內唔俾攝影, 唯有外面影到夠啦 佛羅倫斯景點一個接一個, 唔駛搭車, 步行已經OK 另一間教堂 (按:相機一不夠wide,就會打斜角影,是當年的壞習慣!) 免費入場+任影, 不過冇咁靚 行到市中心區喇~ 冇記錯依個係依附教堂的浸禮堂 勁多人影相, 排隊.... 浸禮堂的特色門 著名的天使之門 著名的聖母百花大教堂 超多人排隊入場... 唔想等餐懞, 同老公決定第2朝再來 之後去參觀畫廊 (入場費4歐) 底層的展館又係唔俾影相 唯有同老公o係外面影到夠啦! 其實外面仲有氣氛 (後按:當年歐遊用的,就是相中的機仔... 所以照片質素請大家體諒!) 老公一心要睇大衛像 去到頂樓, 原來此大衛像非彼大衛像喎 唔緊要, 第2日再睇過~ 反正上到頂, 影下市區風光啦 又一收費教堂, 唔入啦 反正通街已經係好靚的藝術品, 免費供人觀賞~ 搵到人揸機, 再影~ 更多露天的免費展覽 金豬市集 勁多人摸豬鼻, 搞到變左金色! 好搞野的圍裙(又想起 臥龍火鍋夜...) 吸引的pizza佈置, 提醒我地差唔多要食野喇 早餐頂肚又熱, 食唔落正餐, 不如食gelato? (按:當年我還是貨真價實的甜魔!最感謝老公陪我癲...) 我要panna cotta+朱古力, 老公要哈蜜瓜+檸檬, yummy~! (後按:當年老公已經在用大機,所以部分照片明顯質素較佳) 之後首次o係歐洲寄信, 俾家人報平安 好複雜呀, 寄postcard都要拎ticket等飛, 加上語言不通, 真係搞左大半個鐘呢 所以只此一次, 下不為例了~ 參觀舊橋 橋中心好多人留鎖許願~ 過左橋, 出發去睇著名的烏非滋博物館, 係預料中的多人.. 排左一陣, 發覺至少仲有1.5個鐘要等, 唔對路快快走人!! 決定再過一座橋, 上山睇全市風光~ 橋中留影~ 好熱好熱, 又要gelato先~ 咖啡味好香醇, 正~ 又買左甜品坐底嘆下~ 甜品餐後又充滿能量, 繼續上山啦~ 山上都有大衛像, 當然唔係正品 可以望到佛羅倫斯全境, 勁開揚好開心 淺黃色的陽光曬在紅色小城, 景色好迷人呢 又去參觀山頂白色教堂 依個教堂幾靚, 又免費入場, 抵睇! 殿內有聖詩演唱, 感覺莊嚴且曼妙~ 雖然仲係好光, 但其實已經7點喇! 同老公揀左間山景餐廳開餐, 風光好好, 不過要收每人3歐的cover charge~ 好鬼大個pizza!!! 初時以為會食剩, 但太好味關係最後一件不留清哂~ 香辣茄汁意粉好al dente, 開胃又刺激, 又係好正! 老公玩野系列 食完野, 仲未有日落喎... 同老公寫意地玩玩素描先~ 老公好可愛, 畫到佛羅倫斯十足太空基地咁!! 差唔多9點, 終於有日落啦 (後按:其實等得幾累的....) 臨返去, 都食多杯gelato hazelnut味真係勁好食!!! (後按:除了因為當年我是堅甜魔,也因為意大利的 Gelato 超好吃!) 已經係第2朝, 今次坐in door先~ 最吸引的麵包欄 超鍾愛有榛子蓉的牛角包 配上香醇咖啡真係美味到暈~ 為左圓老公心願, 提早去有大衛像的學院畫廊 為左睇佢一眼, 我地俾左10歐呀!! (每人) 雖然場內唔俾攝影, 點都要偷影返張先心理平衡 而講真, 個像真係堅靚, 米高安哲勞真係堅勁~ 場內仲有其他雕像展品, 名氣當然冇得同大衛比啦 另一張好出名的名畫 9點去到仲冇乜人, 遲少少就會勁多人圍大衛喇 睇完大衛, 再去另一老公心願 -- 聖母百花教堂 入教堂10歐, 上鐘樓8歐 我地揀後者, 要行百幾級石梯上去的~ 中途站可以睇到好靚的天花, 同近觀玻璃窗 到頂可以睇到佛羅倫斯全境 雖然早一晚o係山上已經睇過, 但近觀仍然好吸引呀 之後就係從依個位落返去喇 會再經一次教堂, 今次更近天花 佛羅倫斯乜都拎大衛像黎玩, 圍裙如是, condon機亦如是~ 一間好靚的首飾店 老公又有禮物送俾老婆喇, 多謝~ ^^ 下午出發去Pisa, 另文介紹! 由Pisa返到酒店已經好夜 不過最後一晚當然唔可以錯過游水呀!! 大家稍安勿燥, 到法國尼斯會有更多水著相~ 第3朝, 最後一次園林早餐後, 終於要check-out啦, 好唔捨得... 拜拜喇佛羅倫斯, 希望再有機會探您~ 延伸閱讀 2009 意大利 + 法國蜜月遊記 ❤ 總結篇 預覽及總結*2014摘星高茶音樂劇5週年倫敦行* 六週年鐵婚曼谷之旅 ஐ Iron Wedding Bangkok Trip ஐ 旅程總結 七週年銅婚 ஐ Copper Wedding Bangkok Trip ஐ 曼谷之旅總結 2017 Sydney Trip Summary ❤ 悉尼8週年陶婚 x 探親之旅 ** 想得知最新飲食情報,可追蹤 甜魔媽媽;欲得知甜魔一家消息,就追蹤 Matthew and Chloe 吧~~
  6. 國慶日,送上超級姍姍來遲的旅記!話說某天返看 Facebook 舊相薄,重溫長達18日的2009意法蜜月之旅,看到不少有趣舊照;由於當時寫文沒那麼長,索性懶惰沒有放上 blog! 該日,已經暗下決心,要將遊記慢慢搬上來,沒錯工程很浩大,但 Facebook 已有不少資料,所以應該不難~由於年代久遠,當時旅遊方式、消費及兩口子的模樣及身材(!!!!)都起了翻天覆地的變化,但這也是重寫遊記最有趣的地方,對不對? 當年自己在 Facebook 的相薄是根據旅遊地區,這次寫 Blog 也會一樣;為了方便起見,寫好的詳細遊記會 update 在 主網誌,讓大家清楚這18天的去向~ Day 1 : 香港 -> 巴黎 Day 2 : 巴黎 -> (意大利)佛羅倫斯 Firenze -> Siena -> 佛羅倫斯 Firenze Day 3 : 佛羅倫斯 Firenze Day 4 : 佛羅倫斯 Firenze + 比薩 Pisa Day 5 : 佛羅倫斯 Firenze -> 威尼斯 Venice Day 6 : 威尼斯 Venice Day 7 : 威尼斯 Venice -> 米蘭 Milano Day 8 : 米蘭 Milano -> Piacenza Day 9 : 米蘭 Milano -> (法國)尼斯 Nice Day 10 : 尼斯 Nice Day 11 : 尼斯 Nice-> 摩納哥 Monaco -> 尼斯 Nice -> 馬賽 Marseilles Day 12 : 馬賽 Marseilles -> 奧朗日 Orange -> 亞維農 Avignon -> 奧朗日 Orange Day 13 : 奧朗日 Orange -> 古堡區 Châteauneuf-du-Pape Day 14 : 古堡區 Châteauneuf-du-Pape-> 奧朗日 Orange -> 巴黎 Paris Day 15-18 : 巴黎 Paris -> 香港 --------------------------------------- 除了以上簡單 Summary(這次沒有縮圖,因為那時還未有在 Facebook 即時出 feed), 今篇也會記載出發日(香港 -> 巴黎 -> 佛羅倫斯);很多年前,自己已經很愛旅遊,8月1日簡單教堂婚禮+晚上親人吃飯後,翌日8月2日已經出發渡蜜月。由於年代久遠,照片質素很差請見諒... Caption 也是轉貼 Facebook,較為口語化,配合年輕郭太心情! XD ****** 我地搭早上10:25的機,為了可以遲點出發,我地預早做online check-in,仲有小禮物收,開心! 機上好乾,勁飲perrier,初時覺得好好飲,不過後來在歐洲飲到好悶 又特別request了海鮮餐,原來同普通餐一樣麻麻,而每份餐都包括一舊芝士。 12個鐘的機食了2餐,依餐的軟芝士勁好食,後來在意大利都有返兜。 機上餐酒任飲,這支白酒飲到我幾乎醉;老公則愛紅。Cheers! 其實還有杯麵及 Haagen Dazs 雪糕批(沒拍,但根據留言對話我很不客氣吃了三件 XD),杯麵會比飛機餐好吃~ 機上睡一陣,睇下movies,再開下netbook睇相,好快就到巴黎喇!! 時差關係賺了7個鐘,搭埋機場巴士到市中心 (auber) 都係7點未到~ 巴黎所有 buildings 都好名勝look,打算搵的景點--大小皇宮、協和廣場、歌劇場一概搵唔到(按:當時還未流行 WiFi 蛋,Google Map 也是初步成型、尚未準確,找路主要靠地圖!!).... 意法都好興用依款垃圾筒... 搵唔到景點就算啦,反正遲D會再返巴黎。以HK時間計已經12點幾,累累地都係食野先啦~ (按:當時我還是真甜魔)揀黎依間連鎖扒房,主要係貪佢甜品特多!! 我地坐窗口位。當日天陰都幾凍下,約得廿度頭咋 餐前小食係薯片,唔脆 唔暖的麵包 老公的主菜 叫左medium但過了火,幸而肉質唔差 豐富的甜品menu就係吸引我的主因喇!!! 網上都有 menu 睇,不過只得法文~ 好可惜,心太軟唔濃又唔流 菠蘿他他都唔新鮮,鍾意菠蘿的老公都食唔哂 Ben & Jerry's的雪糕叫做最好喇 歐洲第一餐以失望收場... 食飽搭地鐵去酒店。 個個都話巴黎地鐵污糟,果然係真,仲要加上殘舊同混亂似迷宮 又好多人講火車站附近好旺,去到 Lyon-de-gare 就知係真,早知o係依頭開飯啦!! 老公影的酒店 第一晚的酒店,外牆仲裝修緊,搞錯! 幸而房間好靚好舒服 仲有大大間浴室,老公至愛 酒店奉送的小點心,成為翌日趕車早餐 第二朝7點唔夠就去火車站,又一個凍C人的陰天! TGV (Train à Grande Vitesse 法國高快速列車) 既寬敞又舒服,兼超快超準時 但係收費絕對唔比飛機平 黎張郭生郭太自拍照啦 俾老公偷影訓覺... 火車上的snack bar唔多吸引 搭左4定5個鐘? 火車到達意大利境喇~ 無聊搞頭髮, 又俾老公偷影~ 依部就係我同老公o係歐洲通訊的walkie (按:當時科技沒那麼發達,很多資訊都在 Lovely Planet 書上找!!) 到達米蘭火車站喇!! 但仲未到目的地, 仲要轉車 又見垃圾筒 買野醫肚先~ 用英文溝通唔到,唯有出動手指 panini好味,指錯隔離的果占撻就一般啦 雖然要趕下班車,都買杯咖啡先 Cappuccino勁香勁好味囉! 一試後愛上依隻機,之後的trip都有幫襯~ 抵達佛羅倫斯以及之後的行程,就要留意佛羅倫斯的遊記。暫定每星期分享1-2集,根據地點及站數,大概8-10集,希望順利在年底前完成! 延伸閱讀 預覽及總結*2014摘星高茶音樂劇5週年倫敦行* 六週年鐵婚曼谷之旅 ஐ Iron Wedding Bangkok Trip ஐ 旅程總結 七週年銅婚 ஐ Copper Wedding Bangkok Trip ஐ 曼谷之旅總結 2017 Sydney Trip Summary ❤ 悉尼8週年陶婚 x 探親之旅 ** 想得知最新飲食情報,可追蹤 甜魔媽媽;欲得知甜魔一家消息,就追蹤 Matthew and Chloe 吧~~