Jump to content
All About Hong Kong
Sign in to follow this  
  • entries
    267
  • comments
    0
  • views
    84,878

About this blog

只因人生太短 更須學識揀飲擇食

Entries in this blog

leotse

為咗揀部Notebook出國,少不免要去做高登仔,坐住部神駒去到北河街落車,啱啱好喺呢間舖對出,本來我係想食雲吞麵嘅,又不過呢度有個平日限定嘅午市套餐,時間啱啱好又無謂miss咗佢吖,咁變心快過打針嘅我就入咗去食喇。

IMG_4935.png



四款拉麵可以選擇,基於海老湯底喺香港較少人做,就揀佢試試。叉燒都可以揀厚切或火炙,當然火炙比較吸引。配菜可以揀蔥或椰菜,椰菜似乎唔太夾就揀返蔥。麵都係揀返硬身啱我口味。小食除咗炸雞外就唔太吸引我,再加支汽水,$78真係同茶餐廳唔會差太多。

IMG_4915.png

汽水估唔到會係用玻璃樽裝,雖然容量少啲但啲汽係比罐裝多,所以我係鍾意樽裝多啲。

IMG_4918.png

一個人食就通常會坐吧枱位,可以見到廚房嘅運作,因為我揀咗個煮麵位坐,有女職員問我會唔會覺得熱,幾細心唔錯。

IMG_4934.png

炸雞先到,我從來無期望過跟餐嘅炸雞會係即炸,果然一食就知係預先做起,微暖同唔太脆。雖然肉汁唔多但肉厚,感覺似係來貨唔係自家做,沒有期望就沒有失望。

IMG_4921.png

拉麵嚟到,估唔到舖到咁滿,仲有預計以外嘅蔥白同肉碎添。

IMG_4923.png

叉燒有經過充份火炙程度,亦有一定厚度,但咬落去除咗火炙香外,叉燒嘅調味唔太明顯。由於肥膏唔多,就算火炙咗佢都唔會話好有油香,好睇但又未到好食。

IMG_4926.png

湯底就相當濃郁,蝦味極重,以價錢計我好難想像佢會咁濃蝦味,但又唔會話好鹹,飲完又唔會口好乾。櫻花蝦就浸到軟晒唔脆口,可能佢地係放櫻花蝦乾去煮所以咁濃味掛?總之湯底我就好滿意。

IMG_4929.png

拉麵顏色比較雪白,食落去好似唔喺硬麵質地,唔通我剔錯?除咗硬度之外個麵就無話太特別,滑係幾滑但唔夠咬口,無咩碱水味算係優點,但佢係全碗麵最大缺陷。

IMG_4925.png

價錢而言呢間拉麵店算係偏中下游,湯底質素我都幾欣賞,可惜啲麵整成咁晒咗碗湯啦。

價錢:$78


Source

leotse

好多酒都可以陳年,清酒亦唔例外,陳年過嘅清酒一般叫做古酒,一聽就知有歷史。

IMG_40421.jpg

以前曾經飲過古酒,味道就相當強,同茅台相似我完全頂唔順。不過呢支係我試飲過ok先買。

雖然試飲果支係新酒而呢支係過咗一年,聽職員講啲味就turn down咗,但因此打咗八折我又無咩所謂。

先由室溫開始飲啦,會覺得佢似穀物味多過米味,雖然唔太準確但有啲啤酒嘅感覺,不過係無氣唔凍版,咁你知無氣又唔凍嘅鬼佬涼茶一啲都唔鬼佬,真係幾涼茶,少少酸又有啲甜,唔會係新手酒品囉。

一般情況暖嘅清酒會更烈,呢支古酒暖咗後氣味的確濃郁好多,不過飲落味道反而甜味突出啲少咗份酸,同紹酒有幾份接近,個after taste有少少似朱古力添!

試埋凍飲啦不如?飲落酒味最淡係凍飲唔使講,同室溫比亦都較甜,飲開清酒嘅未必一下子就接受到古酒,用凍飲嚟入門係好啲嘅。


Source

leotse

雖然英國貴為劣食王國(啥?),但其實不缺好吃的東西,之前在SOHO區附近吃過這間Tonkotsu的豬骨拉麵,竟然比不少香港的拉麵店還要出色,是因為這邊的豬肉比香港便宜一半,煮出來的豬骨湯更足料的緣故吧?總之如果是住倫敦又想吃出色的博多拉麵,不必去連鎖的一風堂,這間Tonkotsu亦相當優秀。

IMG_2992.png

比起Tonkotsu SOHO,這間Tonkotsu East地方就寬敞得多了,不用背貼背還有小花園可以戶外進餐,不過沒冷氣我又不吸煙當然是躲室內。

IMG_2981.png

在室內還看到製麵機﹗在香港會有自家製麵的拉麵店也是屈指可數,沒想到在倫敦就這麼簡單被我遇上。

IMG_2980.png

這裡喝的不是冰水,而是青瓜水,味道挺清新,用來消除湯底的油膩感亦不錯。

IMG_2985.png

餐牌同時是墊枱紙,這裡的款式和SOHO店有少許不同,SOHO店有特製的海鮮口味是這分店沒有的。

IMG_2979.png

湯麵以外,還有冷麵,不過我還是喜歡品嚐湯麵,因為拉麵湯底可不是一般家庭能夠弄得到啊。

IMG_2984.png

所以我是吃豬骨拉麵嗎?Nonono,太年輕了。進門口時給我發現了這裡有Tsukemen,即是沾麵,人在英國吃一碗好的拉麵都已經難得,居然還有沾麵?﹗我問過店員這裡是唯一一間有賣沾麵的分店,當然不能放過。

看沾麵的賣相不錯耶,麵的份量不少,咬下去只有少許碱水味卻又有煙韌彈牙口感,老實說比得上香港不少人龍店。溏心蛋一看就知沒有過熟, 醬油香也夠濃。叉燒有厚度亦沒有散開,富肉香而且滷得入味,沒令我失望。

至於沾汁又如何?這方面就稍遜色,它是香港最流行的魚介豚骨系,魚介粉下得挺多所以鹹味頗強,不過會帶有炒洋蔥的香味,當然豬骨味仍然能保持。建議盡早把蔥絲放進沾汁降低鹹味會更好,因為他們不懂湯割為何物,頂多就只能吃完麵條後添熱水令你較易喝完沾汁。

IMG_2988.png

在遙遠的英國,能做出出色的拉麵,讓我有回鄉的感覺已經很好,又怎會想到居然會遇上沾麵,而且質素還媲得上香港的名店,真是世界級驚喜。


Source

leotse

成日都聽到周月黨吹到周月個麵真係世界級,就算唔係世界級,全盛時期嘅周月都係世界級,咁我個人就有啲包拗頸嘅,吹到咁大反而無太大衝動去,不過我又間中會去PMQ,周月又喺樓下,不去不去還須去啦。

IMG_4892.png


門外已經有餐牌可以睇到有咩沾麵同拉麵可以揀,不過定價$91真係有啲奇特,係因為加一後可以齊頭一百蚊?

IMG_4896.png

雖然周月係第一次去,但姐妹店沾麵真中我係去過嘅,果邊同樣都係店內製麵,個麵又的確幾好但其他就普普通通,下場係執笠。本家嘅周月就開咗幾間分店包括修羅場老銅,不過去老銅食覺得不合期望的話,肯定會有周月黨出嚟話食中環本店先叫真正食過周月。

 IMG_4898.png

好啦入正題,雖然我一條冷食,但都係要等位嘅,無計佢攞米芝蓮之前已經係排隊名店,等十五分鐘我已經算快了。餐牌用刻字木板做版皮,重量感十足又有型格。雖然已經決定叫周月沾麵300濃湯凍麵,都睇睇仲有咩可以揀,除咗炸雞餃子飯類呢啲拉麵店常客,都有香港好少好少見到「油麵」,即係日本版嘅撈麵。排隊人多所以預咗出餐唔會快,不過香港人都習慣咗等,十零分鐘小事啦。

IMG_4900.png


終於等到,第一時間試下咩叫世界級嘅麵,300g睇落出其多,其實係麵底有個筲箕,咁洗麵水就唔會浸住啲麵而係滴落碗底。世界級麵條呢⋯⋯結實,雖則都算彈牙但真係有啲硬身,同埋碱水味明顯。咁其實我喺劣食大國王都倫敦都食過自家製優質沾麵條仲要彈牙而無碱水味⋯可能我食嘅唔係全盛時期嘅周月啦,所以個麵唔係世界級啦,well咁我靚仔果期都有女同學話我都算係靚仔嘅⋯⋯

IMG_4906.png

溏心蛋雖然睇落好熟,不過都仲有少許溏心嘅,八成熟口感自然就結實,少許醬油味,無驚喜。

IMG_4907.png

輪到沾汁,同沾麵真中係同色水,所以我都算食過半次。個沾汁就係醬油同魚介嘅組合,味道唔會太偏重醬油或魚介任何一方,可以同時飲到沙甸魚乾同醬油嘅味道,其實唔錯。而同魚介豬骨沾汁比,最大分別係呢度味道帶醋酸,應該係加咗沙甸魚醋或昆布醋,食慣魚介豬骨湯底嘅人如果無心理準備,可能第一啖就會嗆親,因為酸味都幾強。只係浮面果浸油都真係幾犀利,可以反光添。另一重點係⋯唔熱喎大佬,我連沾都未沾過喎?或者呢個係專登我唔知啦,神山都係標明佢沾汁係六十度嘅。

IMG_4902.png

叉燒就幾多肥膏我鍾意,滿滿嘅油香夾雜濃郁嘅醬油味,口感亦都軟熟,可惜就數量太少。

IMG_4910.png

筍乾,硬身得嚟無渣,喺醋酸強嘅湯底下都無浸到過酸,但應該會軟身啲掛?不過筍乾對我而言係最可有可無嘅配菜,無所謂啦。

IMG_4911.png

最後加返啲湯割,佢地用嘅係雞湯,熱湯一兌⋯終於似返啲樣,第一啖雞湯味出先,然後慢慢醬油味會滲返,只係個湯仍然凍得好快,香味亦隨之變弱。

IMG_4913.png

我唔知全盛時期嘅周月有幾世界級啦,咁周月其實係翻兜得過嘅,不過如果周月有米芝蓮,我諗日本會爆出一堆米芝蓮拉麵出嚟,麵屋一燈(日本)都無米芝蓮喎…

價錢:$100


Source

leotse

無論吃到多飽,甜品永遠都只另一個胃去安置,更何況人在外國機會難得?看到一堆鬼妹在排隊,連鬼妹都不怕肥我又怎可能畏懼呢?排﹗這家店1937年已經開業,能屹立至今,排﹗Tripadviser寫排第三的甜品店,都排﹗

IMG_4117.JPG

雖然他們的雪糕是現做的,人龍也不短,但排隊時間卻超短,基本上十多秒就會完成一份單。店裡可以看到他們的機器如何運作,這麼新鮮的雪糕我還是第一次吃。

IMG_4116.JPG

雪糕可以選擇雪糕筒,杯裝或是我這種雪糕三文治,份量分大中小,我手上的是中碼,2017年是1.4歐,好便宜﹗眾所周知荷蘭的奶製品是十分有名,所以我對這雪糕有很大期望。

夾著雪糕的是威化餅,沒有額外的調味就單純是一塊不是很脆的威化餅。而雪糕的質感跟一般的很不一樣,不硬身但非軟雪糕,像忌廉但又比較挺身,口感綿滑入口即溶,這應該是鮮做雪糕才有的質感吧。加上濃厚的牛奶跟雲呢拿味,很不錯呢﹗

image1.jpg


Source

leotse

不知是否地理上接近比利時,荷蘭亦有相當多賣薯條的舖頭,在花多眼亂中找到這間名店,上面寫著ANNO 1887,是1887成立的意思嗎?

IMG_4106.JPG


其實我也沒有特別要找甚麼名店,只是看到這條長長的人龍,還有大家都拿著這裡的薯條吃,看旁邊的鬼佬也在探頭看過究竟,就知道一定要排隊囉。後來查一下,是1957年成立的,賣薯條賣六十年也夠厲害,Tripadviser有4.5分之高,厲害啊﹗

IMG_4099.JPG

要知道一間店是否多遊客光顧,餐牌一定是指標,你有見過吃薯條都吃到六種語言嗎?這家店連醬汁都區分了哪些是比利時風味,醬汁接近三十款。當然我人在荷蘭,不選荷蘭醬就真係荷蘭銀行支票。

IMG_1278.jpg

這個叫oorlog醬的物體,係蛋黃醬、沙嗲醬同洋蔥碎的組合,蛋黃醬同沙嗲醬簡直是魚與熊掌why not both,不過兩隻醬都相當濃味,很難協調吧?Oorlog在荷蘭語入面解作戰爭,Oorlog醬的出現據說是在第一次世界大戰中同盟軍中誕生,當時盟軍士兵在軍中嘗試不同醬汁組合,結果就創造出這個醬--不過一鹹一甜的兩種醬料確實像在打架呢。

如圖所見,沙嗲醬跟蛋黃醬各佔一邊,確實像兩軍對壘,所以洋蔥應該想像成砲火嗎?薯條就無需多言,現炸的粗身薯條根本無得輸,蛋黃醬同洋蔥其實就同吃沙律菜差不多無特別,不過蛋黃醬從來都很無敵,比茄汁更強。精彩之處當然是沙嗲醬,稠身、少辣、重花生香,這味道完全是印度串燒沙嗲醬風味,而且不是隨便做就做得好食。這裡的沙嗲醬,比香港的印尼串燒店出色多了。港式的沙茶醬沙嗲,又是另一回事了。

 IMG_4103.JPG

 何解荷蘭會食到如此出色的沙嗲醬?忽然想起荷蘭曾統治過印尼,一切謎底已經解開。


Source

leotse

這天從Sintra回來時候已經不早,很多餐廳都已經接近關門,慶幸這間想吃的店隊伍排得不長,還能趕到尾班車進去,一個人旅行總有些好處。

IMG_8749_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

來這裡為的是海鮮飯,曾經拿過獎啊。一般海鮮飯都是兩人或以上份量,這裡有一人份,正是我過來的其一理由。

IMG_8737_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

柯打過後當然要等,除了客人要等得久外,其實店員阿伯同時是廚師更要收銀,所以慢是肯定的。

IMG_8748_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

天時暑熱,最好是來一支冰凍的啤酒,這支Super Bock…超淡麗,配海鮮就還好,如果是純喝我會喜歡麥香濃的。

IMG_8738_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

西班牙海鮮飯是連鐵板上,這裡則是連鍋子上。西班牙海鮮飯或許有機會是在其他地方煮好再放上鐵板,但這裡肯定是煮好把鍋子都拿給你,真想知道廚房到底數藏了幾多個鍋。看鍋裡的海鮮也不少,而且不是甚麼青口魷魚,是蝦蟹啊。

IMG_8743_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

先分一點在盤上,因為它好好好好熱要攤涼一點才能吃。然後吃一口…啊啊啊啊熱熱熱好吃(好好講話﹗),飯粒其實跟西班牙海鮮飯有點像,都是粒粒分明而且中間不是熟透,帶點煙韌的咬口,而且蕃茄味相當濃郁,還滲透出海鮮的鮮甜。至於海鮮好不好吃?看到那橙紅色的蟹膏還用質疑嗎?我覺得這個海鮮飯比西班牙海鮮飯更吸引我呢。

IMG_8747_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

其實看到有博客推薦那個Prawn portuguese style "fried",但我一個人吃兩款又怕吃不完,只好放棄了,獨行俠的唯一煩惱啊。


Source

leotse

前排去觀塘食蛇,咁啱見到間蛇舖對面有間拉麵,作為偽日本人當然要去八下間拉麵店主打啲咩,原來係醬油拉麵系,而唔係香港最主流嘅豬骨拉麵。仲要有數量限定嘅slow cook叉燒拉麵,喺日本食過slow cook雞肉叉燒後念念不忘嘅我梗係唔會放過呢間舖啦。

IMG_4810.png

門口嘅告示牌雖然有大大張拉麵相,但吸引我嘅其實係左上角唔起眼嘅真叉燒拉麵,賣slow cook叉燒嘅拉麵全香港應該一隻手數得晒。因為我嘅目標只有一個仲要限定廿份,入去前先同店員確定無賣晒先入去,真係有種一係唔食一係我就要食最好嘅霸氣,咳咳。

IMG_4809.png

既然只有一個人,坐喺吧枱位就好正常,我都好鍾意睇住廚房嘅運作,呢種位置啱晒我。睇到枱頭有蒜頭辣醬胡椒粉同醋,再加埋個水壺真係日本常用嘅冰水壺,未食加定分先。

IMG_4795.png

拉麵嘅湯頭就分濃淡兩種,濃嘅會加入背脂即係豬肥,雖然京都系嘅拉麵係以濃厚見稱,不過食醬油湯底就梗係食清湯,我覺得醬油湯底唔應該落豬肥,好易冚過醬油味嫁嘛。

IMG_4799.png

等咗唔係好耐碗拉麵就嚟到,睇落幾大碗而且叉燒份量唔少,計落幾抵食喎。Slow Cook嘅叉燒梗係要帶啲粉紅色啦,但因為湯係熱湯,浸係湯裡面都會變熟好似生牛河咁,所以第一時間梗係食返塊叉燒。

IMG_4801.png

Slow Cook叉燒量多之餘並非燈影級,唔會一下就畀熱湯淥熟,帶微粉紅嘅叉燒食落的確夠軟熟,而且會多一份煙韌嘅口感,除咗醬油味外,仲會畀你一種類似風乾火腿嘅味道,無令我失望。

IMG_4802-1.png
粉嫩叉燒係耍家

麵係最常見果隻黃色鹼水麵,醬油湯底十居其九都配呢種麵,雖然我自己就唔太鍾意鹼水嘅味道,但佢嘅鹼水味就唔太明顯,食落口彈牙唔會過淋,令人滿意。

IMG_4807-.png
鹼水拉麵幾傳統

用豬骨煲嘅湯,就點都會有油花嘅,不過睇下湯面嘅油花其實唔多,絕對配得上清湯呢個名。飲一啖,醬油味突出而不失豬骨同木魚嘅鮮味,飲真啲仲會飲到薑味,好有日本嘅感覺,喺香港屬一流水準,就算走到日本都唔失禮。以為咁就完?少年你太年輕了,枱頭仲有一支醋,一加落去,由豬骨風變成魚介風,用清鮮嘅味道作結,就唔覺得有罪惡感啦。

IMG_4805-.png
醬油湯底夠和味

無論湯底、叉燒都唔會輸畀日本嘅拉麵,價錢亦同日本相差無幾,唔想食香港主流嘅豬骨湯底,呢度絕對係個好選擇。

價錢:$98


Source

leotse

來到貴鬆鬆的挪威,有些東西卻比香港更便宜,那就是海鮮了。你知道嗎,在卑爾根吃海鮮自助餐連遊船河,竟然六百港元不到,而且有長腳蟹食,在香港要食長蟹腳肯定不少於500元,更何況加上遊船河呢?而且挪威是漁產出口國,香港是進口國啊~

IMG_6383-.jpg


就是這艘船了,船隻沒有很大,比香港的渡海小輪更小。雖然距離開船時間還有十五分鐘,不過職員已經讓我上船了,即是可以吃囉?

IMG_6834-.jpg

船不大座位自然不會很多,而且空間都尚算闊落,意味著很少人爭食囉?

IMG_6833-.jpg

蟹蟹蟹蝦蝦,我當然不會拿那些蝦來吃啦,吃貴的才能回本呀。

IMG_6389-.jpg

既然漁業發達,壽司刺身當然是簡單快捷的菜式,仲有比挪威的森林更出名的是挪威的三文啊。

IMG_6391-.jpg

熟食?不要說我不會選,連其他顧客都好像沒怎麼下手…

IMG_6390-.jpg

反而這個我有興趣,魚子醬任吃﹗

IMG_6396-.jpg


我最期待的畫面出現了﹗這裡可以看到不同的狀態,最左的你見到肉殼分離就知道時間較久水份少囉,雖然這種乾身的蟹肉更濃味,不過質感會很鬆散,所以還是挑些肉貼殼的蟹來吃,肯定比較新鮮。

IMG_6393-.jpg

看這飽滿的蟹棒,不是扮晒蟹的蟹柳,是真的蟹肉棒,咬下去有肉汁又鮮甜無比, 如果香港的已經令人滿意,這裡的當然是更高享受。

IMG_6394-.jpg

這自助餐沒有龍蝦吃,但是有龍蝦湯,只是龍蝦味不算濃,鹹度卻很高,這個鹹度是越飲越渴啊,這是維京人style嗎?

IMG_6392-.jpg

其他的東西也該嚐嚐,蟹腳跟蟹鉗是跟一開始的長腳蟹不同種,似乎是乏人問津關係相當乾身,很明顯不新鮮。三文魚刺身的油花也沒有香港的出色,赤身也帶比較濃的血味,到底是刀功問題還是水域問題呢?倒是醃三文魚這比較傳統的北歐菜式挺好吃,更能呈現三文魚的爽滑。

IMG_6388-.jpg

壽司?看樣子就知飯粒沒黏性啦,不過有加牛油果噢飄跌亞否卡道。因為沒有澱粉質不飽肚,多少也有吃一點,而且一直在吃蟹肉會膩,換一換口味又可以繼續作戰。至於帶子刺身…切到這個樣子你還是死心吧。

IMG_6399-.jpg

反而味噌湯還算正常,不會太鹹亦濃味,生冷食物吃得太多有點不適,飲暖湯和食生薑後又能作戰下去。

IMG_6395-.jpg

我吃魚子醬的次數大概一隻手就數到,也不懂得如何分高低級,但既然這裡有得吃也自然不會錯過。味道就簡單的鹹鮮味,紅色那種就多一點辣味像明太子,放在麵包上吃吧。

IMG_6397-.jpg

下層是酒吧,歐洲嘛怎可能沒酒?當然這裡的酒價錢非同小可,我還是喝tape water就好了。

IMG_6832-.jpg

坐遊艇自然要上甲板看風景,這天有一團外國人搞聚會,只是他們在甲板進食不就是食西北風嗎?雖然不是很冷,但還是會冷吧。

IMG_6829-.jpg

當天基本都陰天,沒甚麼好風景可看,雖然我的重點都放在食物上。

IMG_6828-.jpg
IMG_6831-.jpg

雖然自助餐的菜式不多,不過大家應該不會介意,因為都只會跑去吃蟹。遊船河嘛…如果碰到天氣好,上甲板吹吹海風是不錯,像我大陰天就差點囉,不過就算是晴天我想我還是會一直在裡面吃蟹腳嘩哈哈。


Source

leotse

雖然米芝蓮係飲食指南,不過佢哋鬼佬嘛,講到香港菜,真係識條鐵咩。生抽皇黃秋生就唔同,雖則佢都係半個鬼佬,但最少係香港土生土長,佢話好食嘅,我信嫁。早排見到佢去屯門食海鮮食得咁開心,梗係跟,做唔成影帝都可以食影帝餐嘅﹗

IMG_4861.png

餐廳就酒樓格局,無咩特別,最多就係坐房同坐大廳有唔同收費。平時食飯就頭痕揀咩食,今次簡單,黃秋生食咩我食咩,唔夠飽就搵伙記推介,完全係思想殘廢餐。唯一要揀嘅,咪汽水定啤酒囉,畀我見到佢哋係玻璃樽版本,一定係飲汽水,啲氣「鋸」好多~

影帝餐第一道係白酒忌廉煮花甲烏冬,花甲係啲肉係飽滿到貼邊而唔係空殼公司,抵食吖,同埋就算有忌廉汁係度都食得出隻花甲嘅清甜。作為好酒之人我當然希望白酒味再濃啲,不過食得出白酒嘅香味已經好夠。而忌廉就比平時食西餐嘅白酒忌廉黃身同多幾份甜味,量多但唔係水汪汪,就算攤凍咗入口都唔會好膩。烏冬本來無太大期望,又估唔到佢食落夠滑溜,口感唔會過鬆散或太結實,唔係我買開十蚊幾包果種純醫肚Cheap貨。

IMG_4863.png

泰皇芝心蝦丸就係成粒手榴彈咁嘅炸芝士蝦丸,香脆嘅麵包粒食落去無油膉味,裡頭包住嘅蝦丸亦彈牙唔係一口麵粉,而且仲有個一咬就爆嘅芝心,除咗要小心啲芝士係口裡面爆出嚟,仲要注意唔好畀滾熱辣嘅芝士顏射哦~

IMG_4865.png
IMG_4867.png

雖然佢係一碗蕃茄薯仔海鮮湯,但並唔係橙紅色,呢碗湯都應該係我人生中最貴嘅蕃茄薯仔湯喇,佢係用咗瀨尿蝦同沙白去煮,真係一聽就知佢鮮味。飲落就好老實,蕃茄味唔重,海鮮嘅鹹鮮味比較明顯,咁嚟得呢頭食飯海鮮先係主角嘛。飲完湯梗要食埋湯渣,可以見到十隻八隻瀨尿蝦隊落去煲,真材實料嫁﹗

IMG_4872.png

薑蔥鮑魚煲聽個名好似晒咗隻鮑魚,不過佢地係用鮮鮑魚而唔係乾鮑,而鮮鮑味道其實幾淡,配薑蔥簡簡單單就相當好。呢個薑蔥鮑魚,爆香咗大量薑蔥蒜,再加埋強勁嘅鑊氣,淡味都升級成惹味。而且鮑魚夠大隻又夠嚼頭,真係唔會比乾鮑輸蝕。

IMG_4879.png

蒜茸粉絲蒸元貝雖然屋企有時都會整,不過屋村街市仔要又大又靚嘅元貝唔容易,既然呢度有大隻元貝,梗係唔可以錯過。個元貝殼大過我隻手,肉就有掌心咁大,咁大粒元貝真係可以話係肚滿腸肥,食落啖啖肉又唔會黐殼,加埋蒜香粉絲真係無敵組合。

IMG_4876.png

呢度嘅招牌菜焗芝士龍蝦呢個無理由唔食啦,我要了解吓咩叫做有芝士香無芝士臭嘅芝士。睇報導話用咗三種芝士,小弟不才唔會食唔到係邊三隻,不過有芝士無拉絲,應該都無水牛芝士。首先由個頭開始食,啲芝士味確實香濃,同埋食落去面頭微脆裡面就似蛋糕咁軟熟,幾有趣而且我鍾意。焗過嘅龍蝦肉並無焗過龍,口感唔韌而且有肉汁,扯起成舊龍蝦肉然後好似雞髀咁一啖咬落去,真係好爽。食完終於明咩叫有香無臭嘅芝士,應該係指佢無芝士果種奶膻味--雖則本人係連羊奶羶都唔怕。

IMG_4882.png

雖然食咗好多海鮮,但係見秋生哥食過鹽油焗奄仔蟹,一場嚟到唔嗌又好似可惜咗啲。望住啲蟹黃漏出嚟咁款,梗係一啖啜落去阿黃度。阿黃同大閘蟹黃其實幾相似,味道一樣都係鹹中帶甜。呢隻奄仔蟹嘅蟹肉明顯比大閘蟹肉厚紥實,唔似大閘蟹食完個黃就無肉食,同埋唔使等咩九圓十尖一年一造咁悽涼,幾時都有得食。

IMG_4890.png

食海鮮,最緊要食得夠鮮,有咩鮮得過係海邊食先?再加埋有影帝加持,個朵夠響嘢食夠鮮,值得食啦。

價錢:約$480


Source

leotse

漢堡包食得多,好多都會著重牛肉的品種例如和牛堡或者安格斯堡,以Dry aged技術做漢堡扒販售,則似乎是近年開始出現的趨勢。布拉格的Naše maso是我第一次吃到的Dry aged牛肉漢堡,不知味道如何?

IMG_2432_resize.JPG

店舖的位置如下,地方不難找但招牌不明顯所以容易走漏眼。



不過又不用太擔心,因為這舖很具人氣,基本上你在附近見到人群聚集的舖頭走過去就沒錯了,尤其是它在外國是關門較晚的輕食店,所以很多人會在門外喝酒吃包。(噗

IMG_2429_resize.JPG

餐牌在門口,看到Daily Special有點好奇,不過抵步已經是晚上九點半,當然都賣清啦,反正我的目標dry aged hamburger仍有售就可以了。本來是想要加芝士,不過芝士都已經用完…顆顆也太受歡迎了吧。

IMG_2430_resize.JPG

點完餐的等候最好是用來參觀,看到這堆肉腸又粗又長就知道為甚麼喜歡洋腸了。另一邊雪櫃放的是鮮肉類。

IMG_2436_resize.JPG

櫃檯後面會見到職員很努力的煎漢堡扒,真的很努力因為人龍基本沒停過…再後一點還有大叔在處理肉類,餐廳的工作真的做不完呀。

IMG_2435_resize.JPG

除了賣肉外還有少許調味品販賣,當然啤酒他們是一定有售的 

IMG_2434_resize.JPG

等廿分鐘終於等到了,切開一看就知不同了,粉紅色的漢堡扒不常見吧。味道如何?首先說麵包,是經過烤烘的帶點微暖和微脆,質感亦軟熟。至於重點的Dry aged牛肉,咬下去肉汁的確會因為熟成過而較少,但因為水份蒸發了所以牛肉味變得濃郁,有如安格斯肉的香氣。另外免治肉沒有加上很多麵粉去成形,雖然肉塊會比平時鬆散一點,但也令它更像肉扒,而非吃麵粉。

IMG_2437_resize.JPG

這麼實在又高質的漢堡,價錢亦相當合理,能吃牛肉的絕不能錯過。


Source

leotse

香港嘅拉麵店,我最鍾情就一定係漁場台風,佢係咪全港最好食我唔敢講,避免某某黨走出嚟話某某先至係世界級,但我可以肯定漁場台風一定係全港宅味最濃嘅拉麵店,啲宅味唔係貼幾張poster整幾件figure就扮得到,而係連員工、食客都係非等閒之輩臥虎藏龍,唔知咁講店主會唔會怒った呢?

IMG_4859.png


適逢三週年慶祝,出咗兩日限定嘅海膽拉麵,真係要神咁早出去排隊,果然未開舖已經排一百幾十人,前面有人用tablet打太鼓,後面有人話爆咗幾袋UO…呢啲嘢你唔會明嫁喇。

當日只賣一款海膽拉麵唔需要頭痕,只要揀好湯底濃淡同埋落唔落蔥就得,不過麵質都可以手寫決定軟硬,我就一定食硬身嘅。講起上嚟我其實無食過漁場台風嘅拉麵,因為我鍾意食沾麵多啲而沾麵只有午市會做。

IMG_4288-.jpg

雖然係最忙嘅週年慶,枱面都唔會七國咁亂。牆身有好多客人同餐廳嘅互動,裡面真係好多宅嘢…咳咳。

IMG_4850.png

唔使好耐拉麵就已經做起,呢日排長龍都咁高速真係要用摩打手做嘢。湯底明顯比其他拉麵舖少,可能濃湯嘅意思就係唔去兌水掛。個濃湯味道就真係好重豬骨味,飲落亦夠漿口,鹹味重少少啦,或者正常濃度會更適合我。

IMG_4852.png

聽講今次嘅豬肉係荷蘭豬,荷蘭豬又係咪真係荷蘭叻啲荷蘭好食啲呢?咁佢梗係出色過荷蘭叻果個渠頭啦,瘦肉嘅部份就韌少少但係肉香味濃,肥肉部份就入口即融充滿油香,平時街市啲豬肉梗係比唔上啦。呢度嘅叉燒又比其他舖頭嘅厚肉,啱晒我。

IMG_4855.png

週年慶嘅麵聽講係特製,我無食過呢度嘅拉麵底所以比較唔到。落單時要求咗硬麵,呢點毫無疑問做得到,食落口硬度夠又唔會未熟。麵條掛湯能力亦強,吮麵時可以將豬骨湯一齊吮入口,唔會比沾麵遜色喎。

IMG_4858.png

食拉麵溏心蛋就唔少得嘅,不過隻蛋蛋唔見咗?得返阿黃係度?平時溏心蛋我就成隻啪,既然佢搞成咁我直頭打散佢連埋拉麵一齊吮落去。就算無咗蛋白都仲有濃厚蛋黃香,一樣令人滿足。

IMG_4857.png

話明海膽拉麵,說好的海膽呢?咁係得返呢舊嘢姐?之但係,泡嚟嘅?食一啖,師父明白了。點解隻蛋骨肉分離無咗蛋白,因為個蛋白用咗嚟打泡,否則單單係海膽又點會係白色?咁即係有無海膽味呢?係食得出嘅,但味道梗係無直接食一板板咁濃,$50就唔好要求太過份。只用蛋白嘅聰明之處係蛋白幾乎無味,所以就唔怕蓋過海膽味,同理我覺得唔好同個湯溝埋一齊食,否則就只會食到豬骨味。

IMG_4856.png

$50蚊可以食到一碗完整嘅拉麵,計埋燈油火蠟人工舖租點都無可能有錢賺,絕對係感謝祭殺必死,為咗以後都有得食週年限定,係要多啲幫襯嘅。

價錢:$50


Source

leotse

這天是Check out日,不過我是要坐第二天早上六點的班機去雅典,所以其實我有一整天時間在蘇菲亞,重頭戲當然是去參觀最有名的Alexander Nevsky Cathedral。出發前要先吃早餐,我住的Hostel 44收費不貴更有早餐附送,還有免費的咖啡機和洗衣機,一晚不用一百港元﹗早餐除了基本的牛奶粟米片火腿多士,還有這款餡餅,雖然是冷凍食物但會放入焗爐烤熱,吃起來有點像我們的蔥油餅我很喜歡﹗

IMG_9470.JPG

然後就向Alexander Nevsky Cathedral出發,路上看到一對老夫妻,公公似乎有點行動不便,都是婆婆在推銷。

IMG_1020_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

老婆婆挺可愛的,她會拿著各種東西很賣力的示範

IMG_1018_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

還有中間的手繩,上面有不同的圖案。上面是貓時婆婆會喵喵叫,是狗時她又汪汪叫,是蝴蝶她就在拍翼,看這婆婆多麼可愛怎可以不幫她買一個呢。

IMG_1019_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

再行前一會就見到Alexander Nevsky Cathedral,很好認的一棟建築,因為有著拜占庭風格的大圓頂。這教堂之大在東正教中是數一數二,更是巴爾幹半島中第二大的教堂。之前說過保加利亞曾受奧斯曼帝國統治,教堂是不能高於士兵騎在馬背上的高度,所以這教堂是在奧斯曼帝國撤出後才建造,翻查資料是1882年動工,1912年完成,是比較年輕的教堂呢。

IMG_1039_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
IMG_1041_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

有不少教堂都不能拍照,這裡不是不准,但要先買拍照證

IMG_1021_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

而且拍照和拍影片是兩個價錢,即使是上帝還是要錢的。

IMG_1024_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

而這教堂的地下室從1965年成為國家美術館一部份,裡面也是放宗教相關的美術品。

IMG_1037_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

西歐的大教堂是雕像較多,而東邊似乎是肖像居多。

IMG_1033_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

不過大家都會用蠟燭悼念,只是蠟燭好像柱香般長,不是IKEA的圓蠟燭。

IMG_1028_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

當然十字架是少不了,大家都是信耶穌,不用分得那麼細

IMG_1023_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

其實放這種吊燈看起來實在不太像教堂,倒有點像宴會廳的感覺

IMG_1030_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

但天花板的壁畫仍然會見到神,真是舉頭三尺有神明。

IMG_1034_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

去完Alexander Nevsky Cathedral,還有甚麼可以做?在蘇菲亞郊區有一座Boyana教堂,是世界遺產之一,東翼在十世紀末至十一世紀初左右建成,中央則是十三世紀中葉興建。這些不算很重點,重點是裡面有一壁畫是1259年的作品,經過這麼多年未完全脫色掉漆實在難得啊。

IMG_1045_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

既然Boyana教堂位於郊區,交通當然不便,最好是先去旅遊中心打聽一下,而最接近Alexander Nevsky Cathedral的旅遊中心位於Sofia University St. Kliment Ohridski站,位置看地圖。


另外亦最好拿一份地圖,保加利亞的交通查詢不如香港方便,保加利亞人的英文水平亦不高,更不用說是外國文字我們看不懂。根據旅遊中心的建議,買了這張一日交通卷,可以坐各種交通工具,但如果要坐地鐵就要先到票務處「增值」,每坐一次都要「增值」一次。

IMG_4078.JPG

哪到底要如何去Boyana教堂呢?要坐電車4號或5號,然後轉乘107號巴士,職員會告訴你到哪裡轉乘,但還是有GPRS最實際。

IMG_95561.jpg

上述的一日交通票可以在旅遊中心對面的票務處購得,旅遊中心職員應該會告訴你怎買的。

IMG_1044_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

然後坐了一個多小時的車終於來到了Boyana教堂,這個相當新淨的建築應該是十九世紀才建成的右翼。

IMG_1049_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

既然是世界遺產,少不免要收入場費做維護。如果只進入Boyana教堂只要10 lv,不過加兩完可以進入保加利亞國家歷史博物館,反正沒差很多錢就買通票吧。

IMG_1047_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

真正收藏1259年壁畫的就在這裡,看起來就很有歷史了。這裡不是隨便能進,需要工作人員帶進去,除了是要介紹裡面的展品歷史,還要限制進入的人數和禁止大家拍攝,其實那副壁畫都出現掉漆了,萬一因為太多人出現碰撞,壁畫肯定會被摧毀。

IMG_1052_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

Boyana教堂除了壁畫外就沒甚麼東西看,很快就可以轉場到保加利亞歷史博物館。從Boyana教堂到博物館的方法…走吧,你又不知坐哪一架巴士,又不知巴士時間表,走過去則大概用半小時,可以接受。

IMG_1068_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這展板展示著位於保加利亞境內一些羅馬式建築,所以意大利可以跟保加利亞說保加利亞是自古以來不可分割的一部份吧?

IMG_1053_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

在博物館外也擺放了羅馬時期的文物,不怕風吹雨打啊?

IMG_1054_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

不過一進去反而是給我看到女人內褲…是剛好在做展覽喇剛好。不過能光明正大的看女性內衣(羞

IMG_1059_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

正經一點,地面層還是有跟保加利亞歷史相關的文物喇。

IMG_1060_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

公元前的文物能夠保存得這麼好,可能跟保加利亞並不算打仗打很大的地方,而且也偏離地震區有關吧。

IMG_1062_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這個兩件的完整度之高令我懷疑是不是仿製品呢

IMG_9581_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這些石板是講述宙斯和赫拉的故事,他們是誰?希臘神呀

IMG_9585_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

神話以外還有東正教的藝術品,當然它們的年代比較接近近代,保存方面做得好一些是正常的。

IMG_1063_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

 這個相當有份量的頭冠應該是教皇用的吧

IMG_9606_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

耶穌釘十字架的作品一定不會少掉

IMG_9602_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

聖母聖子像…怎麼少了臉孔?曾經看過一些傳教漫畫都是不會繪畫面部,原因好像是神可以是任何外表?

IMG_9613_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

像這種衣飾品好像在西歐比較少見,還是應該說因為風格完全不一樣所以好像沒見過?

IMG_9607_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPGIMG_9610_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG


國家博物館當然不能少了戰爭裝備
 
IMG_9579_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

其實保加利亞的軍隊也很強悍,畢竟他們原本是遊牧民族,更建立過兩次帝國,雖然之後被旁邊的土耳其壓著打很多年…

IMG_9616_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPGIMG_9617_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

不過對我來說最吸引的還是民族服,可以用來幻想呀~(喂

IMG_1064_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
IMG_9621_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPGIMG_9623_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

沒有這海報也不知道原來可以分到這麼多種,不過幾乎都是用紅色主打啊。

IMG_1065_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

要做出各種衣服當然要紡織機,紡織機是人類歷史上相當有趣的發明,無論我走到哪一國,設計竟然都十分相似,明明那個年代的設計圖不可能帶到全世界去,人類的智慧就是如此相近啊?

IMG_1066_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

逛完博物館回市中心後時間尚早,就到處看看等吃晚飯。走著走著就發現這座教堂…還是應該叫廢墟?

IMG_1079_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

教堂叫St Georgi Rotunda church,擁有著圓筒形設計,是蘇菲亞市中心最古老的基督教古蹟,年代可以追溯到四世紀羅馬帝國時期。為何前面是一個廢墟而只有教堂是完整呢?想當然是因為有做復修。興建此教堂的在位者為君士坦丁大帝曾說:「Serdica是我的羅馬」,Serdica就是蘇菲亞的古名。

IMG_1083_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

不過這裡在奧斯曼佔據時期曾經轉為清真寺,所以有多少真的是從羅馬時期留下來,就不得而知了。勿論這些,這種紅磚建築的確有濃厚的舊日情懷,而且歲月的洗刷也十分明顯。

IMG_1087_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

等到朋友從里拉修道院回來,差不多是晚飯時間了,找了好幾間餐廳,最後還是挑了在市中心的大街上的Shtastliveca - Vitosha Boulevard。現在寫遊記才知道,這店得到world luxury restaurant awards 2017的獎項,當初也沒感覺它很貴啊?至於到底有多luxury?進網站看照片吧,那些傢具看起來宮廷感超重。雖然大家只有病的方面像公主,但在這樣充當一個貴族拍拍照真的很不錯,視乎你的羞恥程度決定在這裡拍幾多小時…

IMG_1108_%25E8%25AA%25BF%25E6%2595%25B4%25E5%25A4%25A7%25E5%25B0%258F1.jpg

即使是餐枱上亦有假花和蠟燭,和女生食真的一流。

IMG_1093_%25E8%25AA%25BF%25E6%2595%25B4%25E5%25A4%25A7%25E5%25B0%258F1.jpg

看餐牌有相當多的意大利菜,這裡可以在披薩上加上松露油,這麼有趣?

IMG_1094_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

不過披薩還是留在意大利吧,吃傳統保加利亞菜。

IMG_1096_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

也要飲地方飲料Rakia,就水果類的白蘭地。

IMG_1095_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這是杏桃味的Kaisieva rakia,味道比較dry亦挺涸喉,杏桃味也不明顯,與上次muscat比的話還是muscat的花香果香較強比較吸引,加了冰會柔和一點較易入口。

IMG_1101_%25E8%25AA%25BF%25E6%2595%25B4%25E5%25A4%25A7%25E5%25B0%258F1.jpg

Baked Veal Meatballs(11.90 lv,約HKD 60),Veal就是小牛,不過這肉丸根本是漢堡扒吧。至於味道嘛,如果前一天沒有吃到精彩的保加利亞菜,我會覺得這裡不太差,但問題是味精有點重,可能主打的意大利菜味道會比較好吧。

IMG_1103_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG 

我覺得如果是吃氣氛這裡就很棒,畢竟這種裝潢香港可能永遠找不到。真的要找好吃的就挑Hadjidraganovite izbi,雖然兩者都去也沒問題,才兩餐飯嘛。


Source

leotse

上次喺大圍搵到間平靚正嘅日本嘢,我個返鄉下(I mean日本)仲多過我嘅老死又話想去試下,諗起又好耐無喺果邊踩單車,就決定踩完單車再過嚟吔。

IMG_4849.png

以前運動完可以大吃大喝,而家老喇,反而係攰到食唔到咁多嘢,就揀啲特別想食嘅啦。

魚生飯本來就唔特別,不過呢碗山形角切魚生粒珍寶赤蝦飯($68),多出嚟隻蝦就真係夠大隻喇,純目測佢有成六吋長兩隻手指粗,蝦肉口感結實帶黏性唔會霉爛,再啜埋個清甜嘅蝦腦,感動。魚生粒就符合預期,都係三文魚吞拿魚油甘魚呢啲,睇個色澤都知品質唔錯,魚生粒嘅份量甚至乎多過飯添﹗

IMG_4833.png
魚生赤蝦用料足

點刺身飯可以換購三文魚頭鮫($30),我係相當鍾意食三文魚頭嘅,應該話我鍾意食熟嘅三文魚多過生嘅,因為煮過嘅三文魚啲魚油逼咗出嚟更好食。有時啲餐廳嘅燒三文魚頭,就真係得個頭無肉食,呢度仲有埋個魚鮫位,價錢相同肉量Double up。雖然魚頭係樣衰咗少少,但食落去肉質就好細滑,而且魚頭皮(唔係柒頭皮)燒得香脆嗦嗦聲。而魚鮫就幾厚肉,魚肉夾起嚟唔會散但入口即融,又伴隨住魚油嘅甘香,呢個價錢真係自己整都無咁平。

IMG_4837.png
脆皮魚頭夠抵食

明太子手羽($48)個樣脹卜卜好似BB嘅雞髀仔咁,賣相相當吸引,見佢咁脹卜卜就知裡面釀咗唔少明太子啦。雞肉咬落去雖然肉汁唔多,但肉質唔會霉,雞皮如果再脆口啲就更好。裡面嘅明太子份量同預期一樣多,辣味唔會好強,加杯啤酒就爽喇。
 IMG_4842.png
少辣雞翼好送酒

今次食嘅款式同上次唔同,不過一樣水準唔錯,尤其係呢度價錢夠街坊,又唔使係旺區排大隊,同埋我喺度返屋企仲快過由旺角返呢。

價錢:約$80


Source

leotse

每次去尖沙嘴都唔知食咩好,因為實在太多嘢可以揀,但得自己一丁友去食又食唔到幾多嘢,所以好多時都係食吓小食或者食碗麵就算,查到有間拉麵店新開,有比較少見嘅櫻花蝦沾麵,試吓無壞。

IMG_4655.png

由於係新開而且係三點幾鐘,無咩客人係件幾正常嘅事。店裡嘅裝修都真係幾樸素,木枱同木色筷子好似食魚蛋河咁嘅款,加上一個唔知係特色定係甩色嘅牆身,其實成件事幾時光倒流又意外地夾。

IMG_4653.png

沾麵有四款而且有得揀冷暖麵,要食就梗係食冷麵嘅。除咗沾麵仲有三款拉麵,仲可以揀麵嘅軟硬度,或者走唔走蔥筍,細節位做得幾足啵。

IMG_4637.png

上枱喇﹗睇個樣都幾足料,沾汁嘅櫻花蝦鋪到滿晒,沾麵除咗叉燒溏心蛋筍乾蔥呢幾樣基本嘢之外,仲有海帶芽呢個味噌湯常客。

IMG_4639.png

一手摸落碗沾汁度,個碗熱到辣手即時一縮,好明顯個碗係比沾汁更加熱,咁樣做就有保溫效果。雖然小處有著眼,但沾汁就不過不失,個汁唔會過鹹亦食到蔬菜嘅清甜,唔需要加湯割都可以成碗飲晒。另外櫻花蝦的確用咗唔少,但一清晒櫻花蝦個汁就無晒蝦味,不如攞部份蝦去煮沾汁咪仲好。

IMG_4643.png
大堆頭無以為繼

沾麵呢邊都係大堆頭,啲配料基本上冚晒成碗麵。

IMG_4649.png

但佢真係得個樣唔錯,沾麵係結實得嚟無彈性,口感自然唔好,無落鹼水可能係原因,但其實可以喺麵粉上著手,其他舖頭無鹼水味得嚟都可以彈牙,無理由做唔到嘅。

而叉燒可以話係燈影叉燒,三塊加埋都唔夠人地一塊厚,除咗要讚一下刀功外,就梗係要彈塊叉燒無咬口,切到咁薄完全食唔出究竟入唔入味,尚幸有啲火炙味點綴下,成件事無咁寡。

IMG_4651.png
燈影叉燒味道淡,麵質較硬欠彈性

溏心蛋個樣的確係溏心嘅,但係睇色水就知唔夠入味,軟熟度可以但好細粒,照計細細粒應該容易入味先係嫁…

IMG_4652.png
人地仔細老婆嫩,佢地蛋細唔夠嫩

老實講呢度嘅基本功真係做得麻麻,有注意到細節位,主動加水同埋禮貌良好係件好事,但去餐廳食嘢,梗係嘢食質素排先。仲要拉麵唔係平嘅菜式,以呢度嘅定價,其實有更抵更好食嘅選擇啦,不過開業初期,應該有進步空間嘅。

價錢:$93


Source

leotse

日本酒中分好多類型,呢支係本釀造活性生原酒。本釀造係精米步合70%以下,有加入釀造酒精嘅酒。而活性生原酒中嘅生原酒,可以再細分為生酒及原酒。生酒為未經消毒嘅清酒,原酒係沒有稀釋嘅清酒。一般清酒大約會有15-17%酒精度,原酒會稍高一點,呢支則有19%。而活性酒係將留有酵母菌嘅酒粕裝入瓶中進行二次發酵,道理跟氣泡酒相通。

IMG_3861-.jpg

由於呢支酒仲係發酵緊嘅關係,開法同一般清酒完全唔同,你要不停開蓋同閂蓋,等裡面嘅氣壓同大氣壓力一致先飲得,否則佢會噴一大堆出嚟你喊都無謂。

因為係濁酒關係,色澤自然帶白色,同時亦偏黃。倒出來會發現比較慢,怎麼這麼慢?因為米漿濃呀。而杯底你會見到好多氣泡喺度,但當然無香檳咁明顯啦始終濁酒唔夠通透。

IMG_3862-.jpg

第一口會有濃厚嘅米香,亦因碳水化合物關係味道帶甜,由於二氧化碳關係又略帶清酸,但當甜味過後酒勁就嚟喇。因為佢仍有氣泡關係,酒勁會隨住氣泡喺口中爆發,你會覺得呢隻酒特別醉人,都係氣泡作怪。

呢支冬季限定嘅濁酒,有氣泡酒嘅口感,類似甘酒嘅甜味,又有清酒嘅享受,$120就有交易實在唔貴,喜歡日本酒嘅不妨一試。


Source

leotse

保加利亞,這個名字一定聽過,位處歐洲巴爾幹半島東邊,以前曾是一個輝煌的王國,不過巴爾幹半島自古以來都是一個紛亂的地方,甚至有歐洲火藥庫之稱。在香港保加利亞是半冷門的旅遊國家,這個國家會是怎樣呢?

IMG_9452_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

香港並未有直航機去保加利亞首都蘇菲亞,不過我是由比利時出發,RYANAIR是歐洲最大型的廉航,住過歐洲的無人不知了。不過有時候機場會在較遠的位置,有時加上從機場入市中心的價錢可能廉航會更貴,我是在布魯塞爾南邊的Charleroi Airport上機而非布魯塞爾國際機場,其實比較遠,但蘇菲亞目前只有一個機場,所以買機票也較安心。這機場亦相當新淨,不過充電位置不多。

IMG_9461_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

機場旁邊就有地鐵,此地鐵是保加利亞目前唯一的地鐵,1998年通車。

IMG_9462_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

地鐵售票機有英文選項,不怕看不懂。至於要買哪一款票呢?一般來說只買單程就夠,旅遊點很接近所以沒有必要用,可能最後只有來回機場這兩趟而已。如果你想儲起那張電子卡,其實要先去票務處找職員買的,售價 1LV約HKD 5.5。

IMG_9464_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

蘇菲亞地鐵目前只有兩條路線,很好懂。

IMG_9467_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

橫向表示更一目瞭然。

IMG_9465_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

當晚入住的旅館是Hotel 44,它的位置正好在幾個地鐵站的中間,這尷尬的位置你要說方便又可不方便也沒有不對,因為無論哪一個站都最少要走五分鐘才到達,雖然也沒甚麼大不了,不過蘇菲亞的街燈比較梳落,就有點擔心了。

第一天行程其實去了里拉修道院,所以分開了另一篇文章

從里拉修道院回來後可以到中央車站上地鐵,然後坐車到Serdica II車站就是市中心了。

IMG_0924_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

雖然叫Serdica II,但其實並無Serdica這個車站,原因是在當年興建Serdica站,在預定地點發掘出古羅馬時代的遺跡,情況就如沙中一樣。結果保加利亞人怎樣做?他們將遺跡完好保留,而將地鐵站的位置修改,並改名為Serdica II站,所以當你在Serdica II站內,會見到不少遺跡,是整個包在站內啊。

IMG_0990_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
IMG_0991_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

在站外更會見到露天遺跡附帶解說。看看人家如何保護文物,再看看香港,城市發展先進幾十年,文化保養又落後了幾多十年?

IMG_0987_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPGIMG_0925_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
IMG_0988_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

在Serdica II站附近會見到一座奇特的教堂,這教堂跟一般的平房高度差不多,教堂不都是高聳入雲的嗎?原因在奧斯曼帝國(現今的土耳其)佔領期間,奧斯曼人是信伊斯蘭教而保加利亞是信東正教,身為佔領方的奧斯曼人怎可能讓保加利亞的教堂建得比自己的清真寺高,就下令教堂不能建得高於士兵騎在馬背上的高度。既然不能向高空發展,就學香港的狗…高官一樣向下僭健囉。

IMG_0926_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

蘇菲亞的地標就不會缺少她--聖蘇菲亞女神像。蘇菲亞在希臘神話中是智慧女神,銅像上的皇冠代表權力、貓頭鷹代表智慧、月桂冠代表名譽。這個銅像是在二千年才豎立的,在此之前是俄共的列寧像,今次真是打倒共產黨。只不過女神像又曾經因為衣著太暴露受到爭議,人類真係好麻煩。

IMG_0928_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

之前說奧斯曼帝國入侵時限制了東正教教堂的高度,清真寺當然不受此限,

IMG_0929_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這座清真寺叫Banya Bashi Mosque,於十六世紀中期竣工。此清真寺特別之處在於它是建在溫泉之上,甚至有機會看到蒸氣冒出,亦因此清真寺命名為Banya Bashi。這裡是目前蘇菲亞唯一仍然運作的清真寺

IMG_0930_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

進入清真寺需要脫鞋,女性也要披上頭紗,說起來我好像是第一次進清真寺…?寺裡雖然沒有浮誇的雕塑,但牆上的花紋已經很好看,其實我亦不太明白為甚麼西方可以建教堂建到沒錢,簡直跟中國暴發戶一樣。

IMG_0933_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG


此清真寺最有名的是長達十五米的圓頂,這裡亦是保加利亞唯一一座保底下來的方底圓頂建築。

IMG_0932_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

清真寺正在修繕中,可以看到左邊牆上的油漆顏色跟大廳差很遠,畢竟是舊建築嘛。

IMG_0934_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

而清真寺旁邊則是一個公園,從外表看真的猜不到這裡是溫泉地方。

IMG_0940_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

另外還有一座蘇菲亞歷史博物館,博物館佔地不少,不過要收費還有時間不足就沒有去參觀了。

IMG_0939_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

在博物館附近有個叫Zenski pazar的市集,譯成英文是ladies' market,女人街嗎?其實不是,雖然這裡大部份店舖都是賣蔬果,但也有少量食肆和雜貨店。

IMG_0942_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

巴爾幹半島的氣候較溫暖,可以說是歐洲農業區之一,看看這茄子多巨型就知道農作物生長得多好呢。

IMG_0943_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

既然到了午飯時間,當然要找當地菜來吃,Google到這間看似不錯的餐廳就進去囉。食記參看另文

IMG_0974_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

吃飽後繼續行程,看到一間大教堂自然要去八卦一下。

IMG_0984_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這Hagia Nedelja Church始建於十世紀,跟當時蘇菲亞的教堂一樣,是用石做地基然後用木材搭建。到十四世紀時當其他教堂都轉用石材時,這教堂卻仍然維持木造直到十九世紀中葉。

IMG_0981_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

哪何時才變成目前的外貌,則是1933年的事。在1933年前發生過一場大地震及恐怖襲擊,多災多難啊…

IMG_0975_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

教堂裡面看起來不太特別…

IMG_0978_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

但其實這裡收藏了聖遺物,係塞爾維亞國王Stefan Milutin的遺體,此君於1321年已經離世,遺體輾轉到過不同的教堂和修道院,在十八世紀才安置在這裡。我不好意思拍人家的遺體,就遠遠拍一張了。

IMG_0979_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

由於時間不早而且還要洗底褲,就先買好晚餐的材料帶回去旅館,兼且啟動洗衣機再出發,一間有免費洗衣機的旅館對旅人來說實在難求。

再出發就前往Sveti Aleksandar Nevski,雖然已經關門但在外面看依然很宏偉,反正Day 2會去也不心急。

IMG_1004_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

繞到後面拍,很難想像原來是同一棟建築,由正方形變長條形的。

IMG_0993_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

附近還有一座Russian Church, 又叫Church of St Nicholas the Miracle-Maker,此處原本是清真寺,但在1882被摧毀。在羅剎從奧斯曼帝國手上解放保加利亞後,此處成為羅剎大使館和居於此的羅剎人的官方教堂。據資料說教堂頂上的五個金色圓頂,真的是金的,雖然只是塗層但這麼大個也花不少錢了。

IMG_1000_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

在附近還看到一個佔地極大的建築,原來是保加利亞國家圖書館,也是全國最大的公共圖書館。圖書館全名是SS. Cyril and Methodius National Library,是為了記念兩位東羅馬帝國傳教士聖西里爾和聖美多德而為名的。

IMG_1010_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

既然開始入黑,就早點回旅館休息吧,留待第二天再續行程。

Source

leotse

旺角搵食有時都幾頭痛,乜都有代表要花更多時間諗食啲咩,本來想食拉麵但行過廣華街見到隻蟹喺頭頂,午市套餐食松葉蟹咁有趣,又真係唔怕改改選擇嘅。見到上面隻蟹就諗起日本間蟹道樂,不過蟹道樂個個都話唔抵食,唔知呢間又會係點呢?

IMG_4611_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

就因為呢塊板搞到我停係度,蟹全部都係蟹嘅午餐,一舊水都唔使有蟹喎。本來想食拉麵嘅,不過呢類舖頭嘅湯底無咩可能比得上正式嘅拉麵店,不如食個蟹膏飯啦。

IMG_4612_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

午市嘅套餐唔貴,但晚市嘅級數就高級好多,當然價錢都貴咗好多,雖然啲食物係好吸引,但窮鬼如我就唔太捨得食喇。

IMG_4610_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

舖頭裡頭嘅空間就相當細,只能夠坐八個人仲要係互望果種,而且全店只有一個員工,樓面收銀廚師都係佢,想做死人咩,再加上偏離旺區,真係唔知開午市賺唔賺得返成本。

IMG_4587_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

裡頭裝潢走簡約風令人舒服,細地方真係無謂搞太多破壞空間感。一幅大字同一個擺設,睇落又好似大戶人家嘅氣派。

IMG_4607_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

暖水壺入面裝嘅係玄米茶,溫度夠熱之餘又唔會淡茂茂,夠晒暖胃。

IMG_4603_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

先嚟一碗味噌湯,睇外表似乎無咩特別,一飲,的確係無咩特別,因為一啖就知其實唔係蟹湯。除非佢成煲湯只有一隻手掌咁大嘅蟹,否則有蟹水的話個湯係一定有種無法掩飾嘅海水鮮味,呢度只不過係將煮好嘅味噌湯再加返松葉蟹肉絲落去,真係一飲就知呃我唔到。

IMG_4592_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
並無鮮味味噌湯

不過佢松葉蟹肉都幾多,味噌湯唔會太鹹,加埋筷子托係蟹形又幾得意,過到骨啦。

IMG_4597_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
蟹肉唔少算係咁

飲完碗不過不失嘅味噌湯後梗係要食主菜,松葉蟹膏飯。雖則個賣相就唔係咁好,不過個蟹膏有幾大舊就有目共睹,而且蟹肉都唔惹少,呢個價錢佢都出手幾闊綽。

蟹膏就確係幾清甜,份量亦唔少,蟹肉就嫌佢比較乾身無咩水份,無咗味噌湯幫佢補水就搞成咁,唔係即拆始終係差咁啲,情願佢浸一陣暖水,雖然會走咁啲味但食落軟熟啲贏返。白飯反而比預期理想,佢有將飯素同白飯預先撈勻,而唔係就咁灑喺最頂就算,所以即使落得唔多飯素,每啖都會食得到。同埋啲飯粒嘅咬口唔會過綿而有黏性,估唔到最出色嘅竟然係個飯。

IMG_4598_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
大量蟹膏確係抵

雖然成餐飯唔係特別好食又無咩驚喜,但以呢個價錢可以食松葉蟹其實都唔可以要求太多,而佢又符合我嘅預期,合格啦。

價錢:$86


Source

leotse

在香港雖然能找到各國美食,不過好像沒聽過有保加利亞菜這回事。既然來到保加利亞怎麼錯過當地美食?蘇菲亞市中心雖然都有不少食肆,但感覺沒有這一間的氣氛好,所以走遠一點去了這間Hadjidraganovite izbi

IMG_0974_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG


我不認為他們依然使用柴火,可能只有在冬天才燒柴火取暖吧?這樣放一堆柴感覺好像時光倒流了。

IMG_0972_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

甚至展出農業工具和民族服飾,在開博物館嗎?

IMG_0971_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

 不單止外面,餐廳裡也是相當有農家風味。

IMG_0964_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

掛在上面的香料,不知道會不會真的拿去用呢?

IMG_0968_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

先點東西吃再參觀,沒想到連餐牌也有木製書皮,拿起來感覺很實在。

IMG_0944_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

餐牌當然是寫保加利亞文,不過也有英文寫在下面,似乎保加利亞人係食肉獸呢,豬雞和小牛肉堆在一起做盤菜,還要讓你知道吃了多少份量。

IMG_0947_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

飲品類嘛,當然是挑homemade wormwood wine囉,他說是陳年酒配以廿四種香草、提子、蘋果、Quince木梨和Medlar(中文叫歐楂)的材料。一看就知道這酒會帶清酸,但廿四種香草做出來會不會變成廿四味?

IMG_0949_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

點好菜後繼續鑑賞,一個調味料盤造形還不錯有點可愛,放上蒜頭這個令人意外,有點像東方人的飲食習慣。

IMG_0954_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

若這一束吊燈傾瀉下來,或者我已不會存在…這燈罩感覺像開了個洞的鐵桶﹗

IMG_0965_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

椅背上還有雕刻,這船如果是真實比例肯定會沉。

IMG_0963_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

Wwormwood wine(6.5LV,約HKD 33)先到,看起來其實有點像雪梨水,而味道比我想像的更好,它其實喝不出酒味反而像果汁,只微微帶點酒澀,還有點薄荷葉的香氣,很好的餐前酒呢。

IMG_0953_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

終於等到主菜上場,份量不少呢﹗其實我們是找店員推薦的,畢竟對這邊的菜系不熟嘛。

IMG_0956_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這份羊肉叫Lamb in oven on Saint George’s way(32 lv,約HKD 160),是何解就不知道了。除了沙律仲有飯同長蔥,整個感覺很東方。羊肉吃下去認真不錯,焗完後並無太乾柴,更帶點油香而且不羶,醃料就同新疆菜類似,都係孜然豆蔻之類,香港人應該會接受到甚至很喜歡。

IMG_0957_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這塊Bulo shish kebap(14.80 lv,約HKD 75),我還以為會像土耳其菜那種,原來是漢堡扒,漢堡扒比我想像中更大,是理想與現實的超理想版本,大過掌心呀。咬下去食得到並非加入大量麵粉去黏著半肥瘦免治肉,因此味道自然更好。就算不加帶甜的燒烤醬,光是肉的香味已經很夠惹味,而且還有香口的焗薯仔。別看它只有幾個薯仔,相當飽肚呢﹗

IMG_0959_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

食完主菜雖然很飽,但甜品是第二個胃不能不顧,甜品的種類不多,除了這個Melba(3.4 lv,約HKD 18)之外其他我都知道是甚麼,即是沒有選擇囉。原來這個是法式甜品,是雲呢拿雪糕加Raspberry醬,配以新鮮蜜桃組成。雪糕的奶香挺濃郁,蜜桃是新鮮的十分香甜,更重要的是它價錢超便宜﹗

IMG_0962_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

有調酒有羊肉有甜品,兩人才吃了約HKD 320,還要肉多菜少,這價錢在香港不可能呀~


Source

leotse

厚德街市裝修過後,原本郵局的位置變成了美食廣場,果然喺領展呢啲吸血鬼下,呢個咁當眼嘅位置無可能畀公營機構蝕錢。新開嘅美食廣場畀我想像中大好多,以前做郵局果陣都唔覺有咁大,你話佢係僭建我都信,政府嘅嘢…郵局咁大當然要分拆上市以求賺到盡,最當眼果間舖就係呢間豪園小食,雖然畀財爺昆咗去搞美食車,但佢撐得住仲成功做到上舖頭,咁犀利梗係值得支持嘅。

IMG_4634_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

呢度最出名嘅係食雞,咁梗係要叫雞,睇下係咪they do chicken right. 呢度算係專做外賣生意,始終九成客源都會係將軍澳街坊,好在都仲有幾個位畀我同朋友坐低吹水,男人嘢唔通返屋企講畀媽咪聽咩。

IMG_4632_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG


睇宣傳品好似幾受TVB歡迎,可能因為上過電視劇啦,雖然我已經無睇好耐。

IMG_4614_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

呢度有slow cook嘅雞翼,一講起slow cook雞就諗起日本食過slow cook雞肉叉燒,的確係極品。Slow cook雞翼有個幸福住家雞味($38),唔知食完係咪會開心好幸福。幸福住家雞即係蒜頭洋蔥口味,而其實我屋企從來無試過咁煮,可能我屋企唔夠住家啦。Anyway,啲雞翼夠大隻就加分嘅,真係唔知點解兩大美式連鎖店啲雞隻隻都營養不良咁怪雞,你知啦,保持低質其實比保持高質更難。隻雞食落去真係滑溜嘅,slow cook下雞肉係有啲帶紅,呢個唔係唔熟係因為slow cook本來係咁。蒜頭味幾濃郁,而洋蔥經過長時間烹調近乎融入醬汁中,我覺得呢隻雞再加啲花雕酒就正囉﹗

IMG_4623_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
細嫩慢煮大雞翼

一間茶記到唔到家,一個係睇乾炒牛河,另一個一定係沙嗲牛肉,個汁真係間間都唔同,通常要舊茶記先好食。呢度嘅沙嗲牛肉包($25)算係不過不失,牛肉唔會用鬆肉粉乸到無咬口,沙嗲味係有啲接近舊茶記但諗唔起差啲咩。

IMG_4618_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
沙嗲牛肉算正常

一個包澱粉質有限,仲要兩個男人分,都係叫多兜撈麵先。撈麵就有三隻味,為咗驗證自己嘅味覺無錯,整多碗沙嗲撈麵($10)先。沙嗲汁個色水就差唔多,而且唔會太稀,但花生香就比較弱,唔算出色但唔難食,真係估唔到暫時人生食過最正嘅沙嗲汁會喺荷蘭。個麵底就比較有趣,質感似大光麵但味道就有福麵嘅雞粉味,對此我表示中立。

IMG_4621_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
個汁的確唔夠香

重頭戲開始,車打芝士雞翼($25)梗係襯熱食先,有邪惡無流心有芝士無拉絲嘅炸雞翼,芝士份量夠大方味道都幾濃,雞翼就算得返一條骨,個Size都比兩大連鎖店大隻,仲要唔係粉多過肉,而且即使被芝士浸住,炸漿仍然夠香脆,真係唔到你唔服。

IMG_4626_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
濃郁芝士夠邪惡

鹹蛋魚片嘅熱潮下,當然要叫個黃金雞翼($28)應一應境。少咗啲芝士,可以見到吸油紙上其實無咩油份,真係唔知點解兩大連鎖店又油又唔脆…除咗鹹蛋黃外,個雞翼仲有啲蒜頭喺面,鹹香又惹味,最緊要係啲雞翼炸完仍然有肉汁,好過食果啲貴一貴嘅魚皮啦。

IMG_4627_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
鹹香雞翼係抵食

食咁多炸嘢,無理由唔口渴,雖然令人最爽嘅係汽水,但佢哋嘅檸茶有啲特別,梗係叫返杯試下。佢哋嘅檸茶見唔到檸檬,因為一早已經打成蓉。雖然篤檸檬係幾好玩,但好多時會手賤篤到過酸。而呢杯檸茶BB($10)茶味清而不澀外,甜度酸度都夾得幾好,仲可以飲到果肉我就幾鍾意喇。

IMG_4631_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
粒粒果肉凍檸茶

雖然睇餐牌個價錢好似好貴,但諗真雞店啲雞水準咁差都三四十蚊一個餐,女僕炸雞店租畀你仲要四五十添,計落我哋嘅港產出品咪仲抵食夾大件,真係winner winner chicken dinner。

價錢:$150/2

Source

leotse
保加利亞首都蘇菲亞南邊的里拉修道院,是保加利亞以至巴爾幹半島最大的東正教修道院,同時亦在巴爾幹半島最高的山上。里拉修道院始建於十世紀,一直受到保加利亞第二帝國的沙皇支持直到奧斯曼帝國入侵為止。在十四世紀時遷到目前的位置,在一九八三年成為世界遺產之一,已故主教若望保祿二世亦曾到訪此地。

 IMG_9500_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

由於是熱門的旅遊點,所以我的旅館其實可以報一日團去參觀,價錢會比自己去略貴一點但方便得多, 雖然我是自由行但我會推薦跟團去省卻很多煩惱,除非你跟我一樣想在修道院過夜。(?!)

既然是在深山上交通自然不方便,而且是真的很讓我頭痛,因為車站名有英文跟沒英文是無分別。所以我記錄了我坐電車的位置,最少看到此文的人也較容易去。



在上址乘坐4號電車直到下址長途巴士站

IMG_9473_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG



可以看到一天只有一班車直達里拉修道院,10:20千萬不能錯過,後果嚴重。他們的電車走得挺慢,在我寫的位置好像坐了四十五分鐘才到,所以最好多預留一點時間。

IMG_9475_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

車站有收費廁所,能夠找贖還有點意外,歐洲多半都沒有找贖啊…

IMG_9476_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

車子不算大型,不過還是有行李位,但看樣子就不覺得有廁所,另一要點是排隊的人很多,所以為了確保有位置一定要早到。

IMG_9477_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

車程全程是三個多小時,中途會在這裡稍作休息,也可以上廁所,這個位置是連小賣店都沒有,相當荒蕪。中間叫София的,就是蘇菲亞了。

IMG_9486_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

再一個多小時終於來到里拉修道院了,看起來有點像圍城

IMG_0791_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

先來看看地圖,感覺佔地不是很大

IMG_0788_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

入口處的說明指865年保加利亞開始成為基督教國家。此後一位聖人John of Rila創立了隱士修行制。這位聖人曾經經歷過與世隔絕的生活,在冰冷的洞穴在生活了十二年之久,這個行徑當然跟宗教有關,是用來杜絕魔鬼的引誘。

IMG_0792_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

魔鬼的引誘是怎樣我不清楚,不過眼前這座就很清楚是參拜的教堂了。

IMG_0795_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

教堂牆上有很多繪畫,當然我幾乎一個也不懂,只有中間這幅應該是聖母聖子像

IMG_0859_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

也有不少連環圖,相信是聖經裡的章節

IMG_0890_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這風格如果是在博物館裡我可能會當成占星術的文物

IMG_0808_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這裡講述了上帝如何跣阿當…不,是撒旦慫恿夏娃吃禁果的故事

IMG_0811_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

也有些很暴力的場面,掃蕩邪惡當然要用武力啊~

IMG_0810_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這幅壁畫是在描述地獄的狀況

IMG_0861_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

造工精緻的噴泉,不少人跟它合照

IMG_0858_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

是時候進入教堂了,不過裡面不能拍照,只能說跟西歐的教堂很不一樣,沒有花巧的雕琢,一整排的椅子不常見,反而是一格格像懺悔室的模樣。

IMG_0809_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

里拉修道院裡最古老的建築是這座塔,而且是戰爭用途的?這Hrelyo塔在14世紀時由一位封建領主Hrelyo興建的,當時的里拉屬於塞爾維亞領土,這位領主是塞爾維亞軍分隊指揮官。除了興建這座塔外亦修葺了修道院的教堂。有人認為這座塔曾經是僧侶的庇護所,亦是藏寶庫、監獄和精神病人隔離所。現在地面是一間賣紀念品的小店,而如果想參觀塔內是要付費。

IMG_0801_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

從塔的後方可見到有不少小洞,這些其實是箭孔,所以這也是座箭塔,怎麼跟我想像的不一樣,完全沒有氣勢啊,得個高字﹗

IMG_0800_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

來逛逛修道院吧,這一整排其實是修士的寢室,這裡還只是半條邊,已經有不下二十間房,而且還在擴建中﹗

IMG_0796_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這位叫Neofit Rilski的僧侶,同時也是老師和藝術家,他把半生時間都奉獻給里拉修道院,寫了第一本現代保加利亞語文法書,把聖經翻譯成現代保加利亞語,而且也死在里拉修道院,不單是宗教上,甚至對保加利亞有相當大貢獻呢﹗

IMG_0799_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這裡有著泉眼,泉水非常清涼好喝,你看鳥兒都忍不住要大喝幾口

IMG_0806_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

雖然是在偏遠山區,這裡依然有郵局(還是因為這裡是偏遠山區才需要放個郵局?),大家可以在這裡買郵票和明信片,我也是這裡做。

IMG_0853_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這個icon gallery裡面有很多跟宗教有關的人像畫,當然我是不懂誰是誰…

IMG_0851_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

美術館旁放了少量不太像文物的文物

IMG_0852_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

還有一個教會學跟歷史博物館,這個博物館要收費也不能拍照,裡面收藏很多古物包括十四世紀時的木雕、羊皮紙文獻、還有俄羅斯送的絲綢,都是些珍貴的東西。

IMG_0848_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

不想花錢看文物的話,他們也有免費參觀的,

IMG_0814_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

你會看到不少舊時的工具,真的是當年修士的日常用品

IMG_0820_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG























很大的一個蜂巢

IMG_0818_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
這個是消防水泵,像這工具其實還有不少偏遠地區還在用

IMG_0817_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
除了救火,還有另一個意義的救火,沒想到這裡還配備火器

IMG_0812_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
如果我不說的話可能會以為是藝術品,其實這個是位於廚房的煙囪。

IMG_0825_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
這裝束看起來挺帥氣啊

IMG_0828_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
有點肚餓了,先離開修道院找東西吃,從另一側的門口離開會有一些商店。

IMG_0829_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這邊有著獨特的自然生態,所以也見到不少爬山客大包小包的

IMG_0854_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

一出門口左邊就見到一間感覺像酒吧的店舖,但沒甚麼人流就pass了。

IMG_0845_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

另一邊則有些紀念品店

IMG_0830_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

在修道院見到偌大的蜂巢,都猜到會有蜂蜜販售,這些蜂蜜的色澤亦相當通透,可惜不能帶回家。

IMG_0833_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

看到有個賣小食的檔口,不能錯過

IMG_0840_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

店主會將冬甩再翻炸一下,再加上糖粉和蜜糖

IMG_0831_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

製成品就是這樣,味道其實不太特別,不過蜜糖甜而不膩不錯吃,真可惜帶不了回家啊

IMG_0844_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

往修道院反方向走,會見到一條很清澈的河,可能修道院的聖水就從這裡來

IMG_0834_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

順著走會見到一個十字架出現

IMG_0836_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
原來這邊是墓地啊,當然不好意思拍照喇

IMG_0839_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
本以為郊野山區花草樹木挺多,結果真的很抱歉只那麼一點點

IMG_9503_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
繼續走走看看,沿途都不太看到人,到看到人的時候他們居然在對面岸,而我面前只有一條不穩的獨木橋,走過去都嚇到我出冷汗。

IMG_9502_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG 
因為再走下去也沒意思,就沿路走回修道院。在前面說過這修道院可讓人過夜,當然我也不甘示弱要當個一夜修士,發現也有一些行山客用修道院作中繼點。由於回去蘇菲亞的車次不多,所以要先看清楚班次避免錯過要等太久。如果是住蘇菲亞要即日來回的,就是10.20從蘇菲亞開出,15.00從里拉修道院離開,一天只有這麼一班直達。所以我是從修道院去Dupnica轉車回蘇菲亞的。

身處在修道院就得守一些院規,九點的門禁過份嗎?反正這邊又沒夜生活,OK啦。

IMG_9498_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
拿到鎖匙了,上房吧﹗我的房間在最頂層,樓梯還會吉吉作響。

IMG_0874_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
看過去教堂,修繕得不錯呢,都沒有破爛的感覺。

IMG_0877_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
房間比我想像的大得多,配套就相當簡單只有一張枱和一張櫈,床當然不是高床軟枕,被鋪亦相當粗糙…這裡畢竟是修道院,其實有點像出家人的地方,當然不會很華麗喇。

IMG_0864_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
除了三人間外還有一間獨立房,這間房有洗手盤還有耶穌的照片,看質素比剛才的大房佳,應該是給較高級的修士住。不過這裡貼近走廊,對住耶穌我也睡不著怕他半夜來找我,所以算了。另外這裡是沒有浴室的,廁所也要到走廊盡頭,

IMG_0871_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
在休息途中看到有修士出來不知在做甚麼

IMG_0876_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
看到他在敲木板,可能是類似報時的作用吧?

IMG_0879_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
在建築物裡看到兩間特別的房間,但不能參觀,可惜了。

IMG_0884_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPGIMG_0888_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG




時間不算太晚,不過擔心這邊很早就沒飯吃,所以早一點吃個晚餐,飢寒交迫這樣我可是會死啊。

IMG_0902_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

雖然是偏遠山區兼旅遊區,這裡的生活指數始終沒香港的過份,所以價錢其實不比香港的貴。

IMG_0896_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG



餐牌上寫著Bulgarian national drink,我一定要試呢,選了最便宜叫Burgas muscat的 ,我想有muscat都係甜白酒之類?沒想到香氣竟然是火酒味,原來保加利亞Rakya係烈酒類,用提子即是白蘭地啦,難怪跟vodka whiskey同一頁。Muscat做烈酒係第一次試,第一啖有點嗆喉,但都飲得出有花香,再飲發覺帶少少玫瑰香,配雪糕應該不錯。

這間餐廳更提供修道院餐單,就點了一個價位同樣相宜的。看到盤口如此大,以前的修士怎可能這麼豐富,少一半就差不多!這菜餚應該是先煎到豬肉半熟再放蔬菜芝士上去焗,豬肉有少少肉膻啦,但係相當爽口係梅頭,夠多汁食得滿意。出家人還吃得真豐足呢﹗

IMG_0901_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
吃飽了就回去宿舍休息,宿舍當然是沒WIFI的,在這偏遠山區沒熱水浴也真的很頭痛,即使是炎熱的八月,晚上也是相當清涼,甚至我覺得有點冷,差點要拿其他床的毛氈來用,所以記得多帶一些保暖衣物才去。作為城市人,一夜修士其實不太好當,還好旅程積下不少疲累,即使不怎舒適還是睡得香甜。

第二天要乘搭九點的車前往Dupnica,所以八點多就必須起床,你會看到不少住客在臨別前拍照留念,難得沒人啊﹗

 IMG_0905_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

 然後就坐上這架大巴出發到Dupnica,今次的巴士就新淨很多了。

IMG_0911_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG 

修道院到Dupnica的路程大約兩小時,這個巴士站看起來光鮮,不過只有看起來光鮮,我相當懷疑這甚麼反差…

IMG_0922_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

下圖是巴士時間表,最左上角的就是蘇菲亞,班次幾乎是每小時一班不怕沒車,所以如果有興趣也可以在這個鎮上逛一下才回去,不過我約好了朋友所以就直接回去了。

IMG_9521_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

然後我的車呢?是一部十幾座的小巴?﹗沒冷氣不用說,上面還真有夠髒,又是五六十年代那種又破又爛一片污黑的程度,唯一比較先進的,是車上還有一把USB風扇向司機方向吹,時代果然進步了。

IMG_0923_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

一小時後就會回到蘇菲亞,至於蘇菲亞的行程就另文再寫吧。

Source

leotse

香港最近開了一間Flat Iron店而且頗受歡迎,不過講起Flat Iron不可能不提英國的Flat Iron,應該是最出名食Flat Iron Steak的店舖了吧?Flat Iron在倫敦有幾間分店,但不設訂座只能Walk in留座,晚飯時間是要排隊的啊﹗聽說如果人沒到齊還不給你入座呢。

IMG_4849.png


坐低會見到一杯爆谷,還有把菜刀…我想應該叫菜刀應該比叫餐刀適合?用菜刀鋸扒應該係個好體驗。

IMG_4825.png

這裡的餐牌相當簡單,只有一頁紙,其實主菜就得Flat Iron跟Today's special。其他食物的選擇亦甚少,加起來頂多就十種,唯獨酒類較多,果然是外國嘛。

IMG_4827.png

當然我也要入鄉隨俗,叫一支LAGER邊飲邊等,清新的味道正好去除口腔的雜味方便感受牛扒的味道。

IMG_4830.png

既然是Flat Iron當然不能不吃招牌的Flat Iron,Medium rare是我最喜愛的熟度,當然並非每種扒類都是Medium rare最好吃。這塊Flat Iron很有光澤,不過脂肪其實不多,所以油光並非來自牛扒本身。

IMG_4843.png

牛肉呈美麗的粉紅色,看起來就很粉嫩了,當然咬下去質感亦很幼細,Flat Iron這部位是牛肉裡數一數二的軟淋的,被名廚Jamie Oliver稱讚為被低估的廉價牛扒肉,可惜這裡的Flat Iron肉香頗為不足,但因為用牛油來烹調,牛油香稍稍彌補了這缺陷。

IMG_4848.png

而當日的Today special是美國的Picanha,屬於牛背與臀部之間的肉,中文名請問大神,據說這部位巴西人甚是喜愛,所以巴西女郎的屁屁特別好看啊?眼前的扒帶著我最愛的肥膏,連著肥膏的部份當然充滿油香又帶嚼勁,同時亦帶著炭火的焦香。

IMG_4834.png

雖然肉味亦非濃郁,但已勝過招牌的Flat Iron不少,我已經收貨。既然肉香夠就不需用牛油來彌補各種不足,輕輕用鹽黑椒調調味已經足夠。它價錢自然是比Flat Iron貴,份量太少吃得不滿足。嘛,牛扒要好吃又便宜飽肚是很難的事,做人不能太過份。

IMG_4836.png

食牛扒喝啤酒,港幣三百多元就能夠吃得開心,也真的挺划算,這裡還是出名高價的英國啊。


Source

leotse

有日去銀行入數,見到呢間拉麵店個名有啲熟口面,查吓原來係日本嘅連鎖拉麵店,主要集中喺廣島,咁我喺日本見過都唔意外。由於佢係連鎖店,喺香港不過係兩年,已經有五間分店,呢個速度其他人真係望塵莫及,咁如果佢哋做得出色嘅就真係無所謂嘅。

IMG_4259_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

雖然係午飯時間,但係有幾多人會晏晝食拉麵吖又唔係平,所以係唔使等位。而且平日午市仲可以用優惠價換炸雞或者餃子,只不過佢都係急凍貨姐,食唔食都無所謂。

叫咗個炙燒豚肉味玉拉麵,湯底嘅醬油味都算明顯,但係豬骨味就薄咗啲,可能係想突出個醬油風掛,個人希望豬骨味更突出,始終你個油花都唔係少…都係無謂太奄尖。

IMG_4252_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

湯底稍欠豬骨味

拉麵可以揀軟硬,我就不嬲都受硬唔受軟,而佢又真係做到偏硬身嘅麵出嚟,據知佢地嘅拉麵係自家用小麥粉製造,咁佢食落去確實有別於味精拉麵個麵底,雖然麥味唔重但勝在無鹼水味,收貨嫁喇。

IMG_4254_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
硬身拉麵做得到

溏心蛋一切開個蛋黃流晒出嚟,以溏心蛋計其實佢算係太生(半凝結先叫溏心而家叫流心),不過我鍾意。味道雖然係淡啲,但隻蛋仍然食到醬油味,水準都唔錯。

IMG_4256_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
雞蛋略帶醬油香

輪到個叉燒,的確係五層肉嚟,瘦肉就較多同埋偏厚身,口感幾軟熟,味道亦唔差醃得夠濃味,食落仲有啲甜味。但燒烤味唔夠強而且無咩熱度,有啲懷疑佢係一早燒好定係有柯打先燒,如果係有柯打先燒咁就真係要叫佢辣耐啲先得,啲油花燒過香好多嫁嘛。

IMG_4257_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
炙燒香氣未夠搶

本來對呢間拉麵店無咩期待,畢竟佢係連鎖式經營好難有驚喜,雖然有啲瑕疵不過佢都算係令我滿意,係偏遠嘅將軍澳區嚟講唔排除佢會係做得最好果間。

價錢:$88


Source

leotse

打開FB就見到Openrice介紹將軍澳新開拉麵店,原來係都有啲名氣嘅俺流塩らーめん,見佢新張期內有蜆肉拉麵,呢個口味少有喎,就搵個晏晝去試。舖頭雖然喺商場二樓佔地亦唔大,不過完全開放式設計睇落更加開揚有空間感。

IMG_4563_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

雖然肯定會揀蜆肉拉麵,不過都要睇下其他口味嘅。呢度主打鹽味湯底,同香港主流豬骨湯底係兩回事,所以呢度嘅拉麵口味睇落都係走清淡路線,好似紫蘇啊柚子啊都係極少見佢配豬骨湯底呢類濃郁湯底,價錢喺香港嚟講都唔算貴。另外見到個芝士辛辣拉麵,成件事真係好邪惡。

IMG_4556_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

可能因為蜆係要即場煮,感覺上等候時間比一般拉麵為長。啲蜆喺碗麵上面堆咗個小山,賣相都唔錯。湯底呈乳白色,明顯佢有豬骨湯喺入面,但飲落去味道幾清淡唔覺得好味精,而且隱約飲到蜆嘅清甜,食完唔會感到口乾,我就幾鍾意個湯底嘅。

IMG_4558_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
湯底清淡唔涸喉

佢哋用嘅蜆肉都幾大隻飽滿,大過五蚊銀,雖然稱唔上鮮甜但就好有咬口,而且蜆嘅數目亦唔少,值得讚嘅。

IMG_4559_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
蜆肉量多未夠鮮

敗筆就喺個麵底度,明明叫咗硬身麵食落一啲都唔覺得係硬身,亦都有啲鹼水味但幸好唔算強,入口又唔夠彈牙,個感覺真係覺得食緊味精拉麵個麵餅⋯同埋個湯碗做得比較淺,所以啲麵壓到好死實,一夾就成大團麵夾上到極重,夾到我手痛都未夾到一小撮麵,陰功。

IMG_4561_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG
麵底實在陀衰家

以限定品個價錢其實會有更好選擇,好在佢常規拉麵個價唔貴加上湯底少見,同時呢區又比較少拉麵店,相信都可以喺度站得住陣腳。

價錢:$96連加一


Source

leotse

但有一個夢,不會死,歎大麻。到底大麻有甚麼吸引力?去到大麻合法的荷蘭,當然要品嚐一下毒品。

IMG_1273_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

阿姆斯特丹有好多賣大麻食品的店舖,而且他們都聲稱這類食品可以帶上飛機,到底是真是假呢?實情係這些食品絕大多數都不含大麻成份(後述),只是添加了大麻的味道,故此它們跟一般的糖果無異,但我是不排除有智障執法人員把它們當違禁品的。

IMG_1274_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

為了不飽肚就買一枝棒棒糖試試味,既然是糖始終都是甜的,不過也有些中藥般的苦甘味,而且像吃珍寶珠一樣食完整條舌頭都很粗糙口也酸軟。

IMG_1292_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

雖然在荷蘭吸食大麻不犯法,但其實亦受到規管,要買大麻亦非垂手可得,需找到Coffee Shop才行。這Coffee Shop並非我們下午茶喝咖啡的咖啡廳,在荷蘭如果你想喝咖啡是要去Cafe的。

第一次試當然要店員介紹, Joint是最好的選擇,價錢最平自然劑量也最低,總不可能一開始就打大佬吧?不過價錢再平都要四五歐一支,在香港都夠買半包香煙了。味道又如何?跟我想像中有頗大出入,因為英國的大麻煙氣味挺強之餘是我不接受的氣味,但這邊的大麻煙氣味不濃,當然也不是很好聞的味道,只是手指淡淡煙草味道不惹人厭。可是…吸完我都不覺得嗨的怎麼辦?頂多就是口裡苦苦的。

IMG_1201_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

第二天我換了另一家店,The Bull Dog是頗有名的連鎖coffee shop,人在異鄉又要吸毒還是大集團比較令人放心,如果覺得這家店長得有點可怕,我還看過有另一間分店裝修得比較像西餐廳可以試試。

IMG_4186_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

這間店上層真的做餐飲業,不過走到下層就是非法…啊這邊是合法勾當,而且裡面不能拍照,很有犯罪感我好興奮啊我好興奮啊﹗既然試過最弱的大麻煙無效,這次當然挑最強的。可是﹗除了苦味稍稍強一點外其實沒太大分別,重點是我又不覺得有幾high,可能我飲酒飲到有抗性了吧?

IMG_1294_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

聽說大麻還有水煙的,效果也比較強,但我不太清楚怎麼點餐就沒理,直接跟Last Boss Space Cake對決。Space Cake之所以叫Space Cake,原因好像是它能讓人開心得上太空。我這塊Space Cake含有0.3g THC,因為有THC這個成份所以禁止出口,當然你要先吃掉然後上飛機來個啊哈我要飛往天上是管不了你。

IMG_1329_%25E8%25AA%25BF%25E6%2595%25B4%25E5%25A4%25A7%25E5%25B0%258F.JPG

我找到的店有賣朱古力和雲呢拿兩種口味,本來想選朱古力味方便蓋過大麻的苦味,但他們剛好只剩雲呢拿味,不過味道意外地不錯,有點像莎莉蛋糕,這就是糖衣毒藥吧?吃下去不會即時有反應,大概一至一個半小時稍稍消化後你會感覺來了。

所以當時我感覺如何?起初就真係有點步伐不穩輕飄飄,但心情其實是沒有嗨到哪裡,大概是我堅持清醒緣故吧?然後慢慢腳步變得沉重,就像是你發高燒還要上班一樣沉重,而且還會持續加劇到我覺得走路都有點困難,再加一個頭痛欲裂。還有﹗整個人都像發冷一樣覺得凍,聽說如果是夏天的話會令你感到更加熱,這個要等我夏天再來才能驗證。不過有一點可以肯定,是當下臉青唇白。這麼說來很點像重感冒的情況?

未完﹗因為大麻的關係會令人想去廁所,雖然並非每十五分鐘去一次廁所但也夠麻煩了,尤其外國的廁所大多要收費,就算是麥當勞也有機會要你先消費才知道廁所密碼鎖密碼(甚至有人專責在廁所外收錢),酒吧廁所或許免費但乾淨程度…應該比得上Trainspotting的廁所。然後會因為上廁所多要補充水份,但身體不能好好吸收水份,變成又要去廁所的惡性循環,所以毒品令人失禁一說成立。

這種情況是在家裡休息最好吧?可是今晚也不讓你睡,大麻雖然未令我有幻聽,甚至我仍可以正常對答,但所有的聲音都變成有Echo的狀態,聲音會被放大。整個人就像電視電影裡面所看到的藥後反應一樣,暈眩重聽腳步浮,親身體驗就更誇張了。

大概三四個鐘後藥效會消失(份量和個人體質應該會有影響),如果服食後身體承受不了,能夠吐出來是最好,當地人則會建議喝果汁,除了可補充水份外,糖份也能減輕藥效,而且容易購買。

大麻體驗大概就這樣, 是否服用大麻是個人選擇我不作評價,我只如實寫出我的用後感,頂多勸人盡量不要犯法。如果你能推進大麻合法化,打擊煙草商生意,我則相當支持。

Source

Sign in to follow this  
×